Нийслэлийг бүсчилж хөгжүүлэх асуудалд Засгийн газар анхаарал хандуулж, Ерөнхий сайд цуврал уулзалтуудаа эхлүүлсэн.

Анхны уулзалтаа хамгийн олон хүн амтай Сонгинохайрхан дүүргийн Толгойт орчмын гэр хорооллын бүсийн төлөвлөлтийг хэрхэн хийх асуудлаар хорооны Засаг дарга, хэсгийн ахлагч нартай хийж, санал бодлыг нь сонссон.

Тэгвэл Засгийн газрын зарим гишүүд, Хотын дарга Х.Нямбаатар болон тус дүүргээс сонгогдсон гишүүдийн хамт Баянзүрх дүүргийн Дарь-Эх хэсгийн дэд бүтцийг сайжруулж, төрийн үйлчилгээг ойртуулж, бүс болгон хөгжүүлэхээр тус дүүрэгт уулзалт зохион байгуулж байна. Мөн энэ үеэр Дарь-Эх нэгдсэн эмнэлгийн үйл ажиллагаатай танилцлаа.