2024 оны 12 дугаар сарын 19-ний өдрийн УИХ-ын Байгаль орчин, хүнс, хөдөө аж ахуйн байнгын хорооны 07 дугаар тогтоолоор баталсан Агаарын бохирдол, утааны асуудлаар ерөнхий хяналтын сонсгол зохион байгуулах үүрэг бүхий ажлын хэсгийн хуралдаан энэ сарын 26-нд боллоо. 

Тус ажлын хэсэгт УИХ-ын гишүүн А.Ганбаатар ажиллаж байгаа бөгөөд тэрбээр дараах саналуудыг дэвшүүлсэн байна. 

Утаанаас болж шууд болон шууд бусаар хордож амь насаа алдсан, өвчилсөн  хүмүүсийн тоо баримт, түүнчлэн бага насны хүүхдүүд болон жирэмсэн эхчүүдийн урагт нөлөөлж буй хор уршгийн талаар хийсэн судалгаа байгаа эсэх.

Хэрэв байдаг бол улсаас тэдгээр хүмүүст нөхөн олговор олгох төсөв байдаг үгүйг асууж тодруулав.

Мөн энэхүү ажлын хэсгийн хуралдаанаа Засгийн газрын ордонд бус хамгийн их утаатай тухайн цэгт хийх санал тус тус гаргав.