Энэ асаргааны газарт одоогоор 65н ахмад асруулж байгаа бөгөөд зохион байгуулалтыг маш зөв хийсэн ажээ. 65 ахмад нэг дор биш 10:10 аараа нэг нэг бүлэг болон хуваагдаад амьдрах өрөө болон хамтын харилцааг бий болгож чөлөөт цагаа өнгөрөөх нэг том заалтай. Бас 10 хүний дунд 1 усанд ордог газартай бөгөөд энэ хэсэгтээ 10 хувийн өрөөний зохион байгуулалттайгаар 6 том хэсэгтэй юм байна.

Энд амьдрахад 3~5 гэсэн ахмадын асаргааны үнэлгээтэй настангууд ирдэг байна. Хөдөлмөрийн насан дээрээ өндөр НДШ төлдөг байсан ахмадууд Асаргааны Даатгалаас 90% өөрөөсөө 10% төлдөг бол бага НДШ төлдөг байсан бол 70% даатгал авч өөрөөсөө 30% төлбөр төлдөг байна.

Монголд асаргааны ажилтан шалгаруулах уулзалтын үеэр шалгарсан 1 хүн энд ахмадын асаргааны ажил хийж Япон хэлний мэдлэг, асаргаа халамжийн практик туршлагатай болж байгаа нь ирээдүйд Монголд ийм ахмадын асаргааны газар нээгдвэл мэдлэг туршлагатай зөвлөх мэргэжилтэн болох боломжтой юм.