УИХ-ын чуулганы /2025.06.20/-ны өдрийн хуралдаанаар Стандартчилал, техникийн зохицуулалт, тохирлын үнэлгээний итгэмжлэлийн тухай хуулийн төслийн шинэчилсэн найруулгын төсөл болон хамт өргөн мэдүүлсэн хуулийн төслүүдийг хэлэлцлээ.

Хэлэлцэж буй асуудалтай холбогдуулан гишүүд асуулт асуулаа.

УИХ-ын гишүүн Б.Уянга:

Сая асуулт хариултуудыг ажиглаад сууж байхад заавал асуух ёстой зүйл байгаад байна. Шадар сайд хариулах байх. Стандартыг тоогоор нь хараад үзэхээр маш олон байгаад байна. Яг хэрэгжилтийг нь хараад байхаар хангалттай биш ч юм шиг. Стандартууд нь олон байх ёстой юм уу, чанартай байх ёстой юм уу, хэрэгжилтийг нь сайн хангуулдаг механизм нь дутуу байгаад байдаг юм уу? Үүн дээр тооны араас бүгдээрээ явах ёстой юу, эсвэл чанарын араас явах ёстой юм уу. Хэрэгжилт дээр нь яг яаж анхаарах ёстой вэ. Үүн дээр Шадар сайд өөрийнхөө бодлыг гишүүдтэй хуваалцвал их сайн байна. Үүнийг яагаад асууж байгаа юм бэ гэхээрээ гишүүдэд тараагдсан бичиг баримттай танилцахад энэ хуулийн төслөөр стандартын хэрэгжилтэд анхаарна. зөвхөн төрөөс анхаарахгүй.

Төрөөс анхаарахаас гадна хяналт тавих иргэн, үйлдвэрлэгч, нийлүүлэгч байна, бүх талын оролцоог хангана гэж биччихсэн байгаа юм. Яг яаж хангах вэ. Нэг тодорхой жишээн дээр тайлбарлаж өгнө үү. 2022 онд энд бас танилцуулгад дурдсанаар 159 стандартыг хүчингүй болгох, 1067 стандартыг олон улс бүс нутгийн жишигт нийцүүлэн шинэчлэх шаардлагатай гээд мэдээлэл өгчихсөн байгаа. Гэтэл өнөөдөр 204-ийг нь буюу 20 хүрэхгүй хувийг нь л шинэчлэн баталсан гэсэн мэдээлэл гишүүдэд тараагдсан байна. Тэгэхээр ер нь энэ ажлыг яг хэн хийх ёстой юм?

Стандартыг баталдаг нь болохоор яг мэддэг хүмүүс нь стандарт, бичиг баримтыг нь бэлдээд танай газар өөрийнхөө процессоороо баталдаг гэж бол ойлгодог юм. Гэхдээ нэг л сул байгаа орчин учраас л хэрэгжүүлэх шаардлагатай байгаад байдаг, хэрэгждэггүй учраас л энэ хуулийн төсөл шинэчилсэн найруулга байдлаар орж ирж байна гэж үзэж, дэмжиж байгаа юм. Гэхдээ өмнөх хэлсэн агуулга дээр ажлын хэсгээс саналыг нь сонсмоор байна. Өнөөгийн байдлаар Монгол Улсад 6525 стандарт хүчин төгөлдөр байна гэжбайгаа юм. Гэтэл танилцуулга дээр 6730 гэж бичсэн. Мөн дэлгэрэнгүй танилцуулга дээр 6733, сая Шадар сайдын танилцуулгаас 6730 гэхээр энэтоо нь зөв юм байна гэж бодох жишээтэй.