АНУ-ын Засгийн газрын сурагч солилцооны хөтөлбөрийг АНУ-ын Ваёминг мужийн 4-Н байгууллага болон Монголын 4-Н (фоор эйч) байгууллага хамтран хоёр дахь удаагаа зохион байгуулж байна. Тус солилцооны хөтөлбөр ирэх зургаадугаар сарын 21-нээс долоодугаар сарын 18 хүртэл үргэлжлэх аж.

Мөн Америкийн талаас 15-17 насны 28 сурагч, Монголын талаас 15-19 насны 28 өсвөр үеийнхэн оролцоно. Монголын талаас оролцох 28 хүүхдийг Улаанбаатар хот болон Сэлэнгэ, Хэнтий, Өвөрхангай зэрэг аймгаас сонгох юм. Хөтөлбөрийн зорилго нь усны бохирдол, сэргээгдэх эрчим хүч, уул уурхай , газрын нөхөн сэргээлт зэрэг байгаль орчны нийтлэг асуудлуудтай танилцах, бусад орны соёл заншлаас суралцах, дэлхийд тулгараад буй байгаль орчны тулгамдсан асуудлыг зөвөөр ойлгох боломжийг өсвөр үеийнхэнд олгоход чиглэх гэнэ.