Шатахуун импортлогч ком­па­­ниудад ногдуулсан 17,2 тэрбум төгрөгийн торгуулийг Шударга өрсөлдөөн, хэрэг­лэгчийн төлөө газраас хүчин­гүй болгосонтой холбогдуу­лан Монголын Хэрэг­лэгчдийн эрх ашгийг хамгаалах нийгэм­лэгүүдийн үндэсний холбоо­ноос өчигдөр мэдээлэл хийв.  Учир нь шатахуун импортлогч компаниуд 2012 оны нэг­дүгээр сарын 6-ны өдөр шата­хууныхаа үнийг үндэс­лэлгүйгээр 210-260 төгрө­гөөр нэмсэн хэмээн нэр бүхий найман компанид 17.2 тэрбум төгрөгийн торгууль ногдуулаад байсан юм. Харин Шударга өрсөлдөөн, хэрэг­лэгчийн төлөө газраас тог­тоол гаргаж, улсын байцааг­чийн шийдвэр бүхий 17.2 тэрбум төгрөгийн торгуулийг хүчин­гүй болгосон билээ. Монголын Хэрэглэгчдийн эрх ашгийг хам­гаалах нийгэмлэ­гүүдийн үндэсний холбооны­хон шатахуун импорт­логч нарт ногдуулсан торгуулийг хүчингүй болгосныг дэмжиж бай­гаа аж.

Энэ үеэр Монголын Хэрэг­лэгчдийн эрх ашгийг хамгаалах нийгэм­лэгүү­дийн үндэсний холбооны гүйцэтгэх захирал М.Ган­жолоо­гоос зарим зүйлийг тодрууллаа.

-Танай холбооны зүгээс шата­хуун импортлогчдод ног­дуулсан торгуулийг хүчингүй болгосныг ямар учраас дэмжиж байгаа вэ. Торгуулийг цуцалс­наар нийтийн эрх ашгийг зөрчөөд байгаа юм биш үү?

-Манай холбооны зүгээс нефть импортлогч компа­ниудад тавьсан торгуулийг хууль бус гэж үзэж байгаа. Өрсөлдөөний хуулийн 11.1-д "Аж ахуй нэгжүүд бараа бүтээг­дэхүүний үнэ тогтооход төр оролцох үндэслэлгүй" гээд заагаад өгчихсөн байдаг. Мөн зах зээлд төрийн зүгээс шаардлагатай тохиолдолд зарим зохицуулалтыг хийнэ гэж хуулинд тусгасан байдаг. Үгсэн хуйвалдаж үнээ нэмсэнд төр оролцоотой учир төр буруутай.

-Яагаад төр буруутай гэж?

-Тухайн үед шатахууны үнийг нэмэхийг Эрдэс, баялаг, эрчим хүчний дэд сайд Б.Ариунсан тогтоолоо­роо хэлээд өгчихсөн. Үүний улмаас компаниуд үнээ нэм­чихсэн. Төрийн зүгээс үндэс, суурийг нь тавьж өгчихөөд, эргүүлээд торгууль ногдуул­сан нь буруу.

-Дэд сайд Б.Ариунсан үндэс­лэлийг нь тавьсан гээд байна. Тодруулахгүй юу?

-Төрийн байгууллагаас орол­цох эрх зүйн үндэс байх­гүй. Шатахууны үнийг 1800 төгрөгөөс дээш гаргах ямар ч үндэслэлгүй болчихоод бай­хад дэд сайд Б.Ариун­сан хурлын үеэрх тогтоол­доо "Долларын ханш өссөн нь бодит шалтгаан болж, дизелийн түлш-1885 төгрөг, АИ92-1850 төг­рөг, А80-1550 төгрөгнөөс хэтрүү­лэхгүй байх хэрэгтэй" гэж оруулсан. Үнийг ямар нэгэн байдлаар барих зохицуулалт байхгүй, зөвхөн монополь эрхийн тухай заа­сан байна. Аливаа байгуул­лага бараа, бүтээгдэхүү­ний­хээ үнийг нэмэхийн тулд хууль хяналтын байгууллага, төрөөс ямар нэгэн зөвшөөрөл авах хэрэгтэйг хуулинд нэмэх шаардлагатай.