"Дэлхийн эдийн засгийн чуулга уулзалт" байгууллага манай улсын 2040 он хүртэлх хөгжлийн страте­гийн хувилбарын төслийг боловс­руулахад ерөнхийдөө эерэг дүр зураг харагджээ. 

Тус байгууллагын Стратегийн бодлогын багийнхан уг төслөө энэ сарын 15-нд танил­цуулж төр, хувийн хэвшил, иргэний нийгмийнхний санаа бодлыг сон­сох гэж байна. "Дэлхийн эдийн засгийн чуулга уулзалт" байгуул­лагаас улс орнуудад энэ хэлбэ­рийн төсөл хэрэгжүүлэх тохиолдол ховор байдаг аж.

Монголчуудын хувьд эдийн засгийнхаа салбарт  хамгийн тэргүүнд анхаарах асууд­лаа хэлэлцэж, дэлхий дахинд улс орноо таниулах боломж нээгдэж байгаа юм байна. Дугуй ширээний уулзалтын үр дүнг ирэх  оны нэгдү­гээр сард Швейцарийн Давост болох Дэлхийн эдийн засгийн 44 дэх удаагийн чуулга уулзалтын нэгдсэн хуралдаанд танилцуулах юм.

Давосын чуулга уулзалтын үеэр

Дугуй ширээний уулзалтад дотоод гадаадын 150 гаруй төлөө­лөгч оролцохоор болжээ. Үүнээс 30 гаруй улс, олон улсын байгуул­лагын 90 гаруй төлөөлөгч бүртгүүл­сэн байна. Дугуй ширээний уул­залт энэ сарын 15-ны 09.00 цагт эхэлнэ.

Ерөнхийлөгч Ц.Элбэгдорж, Эдийн засгийн чуулга уулзалтыг санаачилсан Клаус Шваб нар уулзалтыг нээж үг хэлэхээр болжээ. Үндсэн хуралдаанаар хөгжлийн хувилбаруудын төслийг  танил­цуулах юм байна. Оролцогчид  гурван хэсэгт хуваагдаж, хувилбар бүрийг нарийвчлан хэлэлцэж санал солилцох гэнэ. Уулзалтын нээлт, хаалт л хэвлэлийнхэнд  нээлттэй аж.

Дугуй ширээний уулзалт дуус­саны дараа энэ сарын 16-нд уул уурхай, усны асуудлаарх салбар хуралдааныг Төрийн ордонд зо­хион байгуулахаар товложээ. Дэл­хийн шилдэг компаниудын төлөө­лөл цугларч байгаа энэ боломжийг ашиглаж Монголын   бизнесмэнүү­дэд хандсан арга хэмжээг ч Мон­голын эдийн засгийн форумаас төлөвлөжээ. Энэ сарын 15-ны орой бизнесийнхэнд зориулсан арга хэмжээ зохион байгуулах юм байна.