УИХ-ын нэгдсэн чуулган эхлэлээ. Өнөөдөр Хуралдаанаар Монгол улсын Засгийн газрын гишүүдийг томилох тухай асуудлыг хэлэлцэх юм.

Хуралдааны эхэнд Монгол улсын Ерөнхийлөөс УИХ-д өргөн барьсан нэр бүхий хуулийн төслийг эргүүлэн татааж байгаагаа мэдэгдсэн байна. Үүнийг УИХ-ын дарга М.Энхболд чуулганд уншиж танилцууллаа.

Дараах 5 хуулийн төслийг эргүүлэн татаж байгаа юм.

Үндсэн хуулийн цэцэд маргаан хянан шийдвэрлэх ажиллагааны тухай /2015-06-10 өргөн мэдүүлсэн/
Шүүхийн иргэдийн төлөөлөгчийн эрх зүйн байдлын тухай /2015-12-11 өргөн мэдүүлсэн/
Мэдээллийн аюулгүй байдлын тухай /2016-02-05 өргөн мэдүүлсэн/
Сонгогдсон болон томилогдсон төрийн албан тушаалтанд хүлээлгэх хариуцлагын тухай / 2016-12-27 өргөн мэдүүлсэн/
Төрийн албаны тухай хуульд нэмэлт өөрчлөлт оруулах тухай /2016-12-27 өргөн мэдүүлсэн/

Энэхүү хуулийн төслийг өмнөх Ерөнхийлөгч Ц.Элбэгдоржийн өргөн мэдүүлсэн байсан юм.

М.Наран

Ц.Элбэгдожийн өргөн мэдүүлсэн 5 хуулийн төслийг Х.Баттулга эргүүлэн татлаа