Хууль зүйн байнгын хорооны өчигдрийн хуралдаанаар Улсын Их Хурлын гишүүн С.Эрдэнэболдоос эрүүгийн хэрэг хянан шийдвэрлэх ажиллагаанд илэрч байгаа системийн зөрчил, хүний эрхийн баталгааг хангах талаар Монгол Улсын Ерөнхий сайдад хандаж тавьсан асуулгын хариуг хэлэлцэв.

Хэлэлцэж буй асуудлаар УИХ-ын гишүүн Х.Тэмүүжин дараах байр суурийг илэрхийлэв.

Хуулийн байгууллага гудамжинд гарсан, иргэнтэй холбоотой гэмт хэргийг эрүү шүүлт хэрэглээд ч хамаагүй илрүүлэх гэж оролдож байна. Харин хуулийн байгууллага дотроо гарсан гэмт хэргийг огт илрүүлэхгүй байгаа. Толгойг нь илээд, хаацайлаад өнгөрсөн, буруу бусармагаа нуусан гудсыг нь сөхвөл АЙМШГИЙН ГЭМТ ХЭРГИЙН ЕРТӨНЦ ОРШИН ТОГТНОЖ БАЙГАА.

Цаг хугацааны ийм их хоцрогдол, хүний эрхийг үл тоосон хандлага гурван Засгийн газар, дөрвөн хууль зүйн сайдыг тэгнээд явж байна. Гурван сайд нь "нэн даруй хийнэ ээ" гэж хэлсэн. Гэхдээ "нэн даруй" нь биелээгүй явж байна.

2024 оны Улсын Их Хурлын бүрэн эрхийн хугацаа талаасаа өнгөрчихлөө.

Нэр нь ямар байх хамаагүй. Гэрч хохирогчийг хамгаалах, шүүхийн аюулгүй байдлыг хангах, шүүн таслах ажиллагааны хэвийн нөхцлийг бүрдүүлэх, хэрэг хянан шийдвэрлэх ажиллагааны эсрэг гарсан гэмт хэргийг мөрдөх Тахарын албаа байгуулах юм уу?

Мөн Хохирол барагдуулах сангийн хуулиа "Хохирол барагдуулах үйл ажиллагааны процессийн хууль" болгож өөрчлөх ёстой шүү. Дарга нарт бус иргэдэд зориулсан хууль боловсруулах ёстой.

Х.Тэмүүжин: Иргэний хэргийг эрүүдээд ч хамаагүй илрүүлэх атлаа хуулийн байгууллага доторх хэргийг огт хэрэгсэхгүй байна!