Гадаад Харилцааны сайд Л.Болд дипломат үйлчилгээний салбарт ажиллаж байгаад гавьяаныхаа амралтад гарсан ахмад жолооч Дэжидийн Чойжилд 85 насных нь  ойг тохиолдуулан ГХЯ-ны Хүндэт өргөмжлөл гардууллаа.

Ахмад жолооч Д.Чойжил нь эх орныхоо бүтээн байгуулалтад залуу наснаасаа оролцон 40 шахам жил аяны алтан шар замд жолоо мушгисан бөгөөд 1966-1969 онд Гадаад явдлын яамны сайд, орлогч сайдын жолооч, 1969-1972 онд БНМАУ-аас Египет Улсад суугаа ЭСЯ-нд аж ахуйн эрхлэгч, жолооч,

Д.Чойжил нь 40 шахам жил аяны алтан шар замд жолоо мушгижээ.

1972-1976 онд Япон Улсаас БНМАУ-д суугаа ЭСЯ-нд анхны монгол жолооч, 1976-1980 онд ЗСБНХУ-д суугаа БНМАУ-ын ЭСЯ-нд Онц бөгөөд бүрэн эрхт элчин сайдын жолооч, 1981-1988 онд БНМАУ-д суугаа БНПАУ-ын ЭСЯ-нд Онц бөгөөд бүрэн эрхт элчин сайдын жолоочоор тус тус ажиллаж байжээ.

Мөн тэрбээр 1981 оны 3 дугаар сард монгол хүн анх сансарт нисэх үед ГЯЯ-ны албан томилолтоор “Сансрын хотхон”-д байрлаж, сансрын нисгэгч Ж.Гүррагчаагийн нислэгийн үйлчилгээнд аж ахуйн эрхлэгч, жолоочоор 40 хоног ажиллан түүхэн үйл явдалд гар бие оролцож байсан гавьяатай нэгэн юм.