Би ярьж чадахгүй, бас сонсож... Гудамжинд алхах­даа ч, автобусанд явахдаа ч хүмүүсийг харц, үйлдлээр нь мэдэрдэг.

Хэдий тийм ч тэд намайг ойлгодоггүй. Бүгд л гайхаж, өрөвдсөн хар­цаар ширтдэг. Манайх гэр хороололд байдаг. Өг­лөө болгон хотын төв рүү хи­чээлдээ явахдаа автобусанд ийм л бодол тээж, ганцаараа юм шиг амьдардаг... сонсгол, хэл ярианы бэрхшээлтэй охин ийн ярьж байна.

Тэр нийслэлийн Сүхбаа­тар дүүргийн сонсголын бэрх­шээлтэй хүүхдийн 29 дүгээр тусгай сургуульд сурдаг. Гэхдээ тэр өнөөдрөөс эхлэн хи­чээлдээ сургуулийнхаа тус­гай автобусаар ирж, харьдаг болно. Ганц энэ охин ч биш тус сургуульд сурч бай­гаа сонсгол, хэл ярианы хөгж­лийн бэрхшээлтэй 300 гаруй хүүхэд тусгай автобусаар үйлч­лүүлэх болсондоо баяр­тай байгаа.

300 гаруй хүүхэд тусгай автобусаар үйлч­лүүлэх болсондоо баяр­тай байгаа.

Учир нь Боловсрол, шинж­­­лэх ухааны яамнаас бо­ловс­ролын чанарын шинэч­лэлийн хүрээнд хөгжлийн бэрхшээлтэй сурагчдыг зо­­риулалтын сурах бичиг, то­ног төхөөрөмжөөр хангаж, коллеж, их, дээд сургуульд элсэн суралцах боломжийг дээшлүүлэх зорилт тавин ажиллаж байгаа юм. Энэхүү зорилтын хүрээнд өчигдөр ерөнхий боловсролын зур­гаан тусгай сургуульд зориу­лалтын автобусыг хүлээлгэн өглөө.

Тэд улсын төсвийн хө­рөнгө оруулалтаар 700 сая төгрөгийн өртөг бүхий до­лоон автобус худалдан авч ийнхүү тусгай сургуулиудад нийлүүлж байгаа аж. Энэхүү үйл ажиллагаа Сонсголын бэрхшээлтэй хүүхдийн 29 дүгээр тусгай сургууль дээр болсон юм. Дээрх до­лоон автобусны зургаа нь энгийн, нэг нь тэргэнцэртэй хүүхдүүдэд зориулсан лифт­тэй автобус аж.

Энгийн автобус нь 26 хүний суудалтай, 98 сая төгрөгийн үнэтэй бол лифт­тэй автобус нь 17 хүний суудалтай, 144 сая төгрөгийн үнэтэйг албаныхан хэлж байлаа. Хөгжлийн бэрх­шээлтэй хүүхдүүдэд зориул­сан лифттэй автобусыг Мон­голд анх удаа оруулж ирж байгаа бөгөөд эхний ээлжинд Баянгол дүүргийн 70 дугаар тусгай сургуульд, энгийн автобусуудыг 29, 116, 25, 63, 55 дугаар тусгай сургуульд хүлээлгэн өглөө.

Энэ үеэр нийслэлийн Сүх­баатар дүүргийн 39 дүгээр тусгай сургуулийн захирал Б.Батсайхан хэлэхдээ “Ма­най сургууль улсын хэм­жээнд үйл ажиллагаагаа явуул­даг. Нийт 316 сурагч­тай. Үүнээс 160 гаруй нь до­туур байранд амьдардаг. Бид үлдсэн сурагчдаа хоёр микро автобусаар зөөдөг байсан. Ийнхүү 26 хүүхдийн суудалтай том оврын авто­бустай болсноор бага ангийн сурагчдаа сургуульд нь унаа­гаар зөөх боломжтой боллоо. Мөн өмнө нь явуулж байсан чиглэлээ нэмэх нөхцөл бүрдэж байна” гэв.

Тус сургууль нь нийс­лэлийн есөн дүүрэг, 21 айм­гаас сонсгол, хэл ярианы хөгж­лийн бэрхшээлтэй хүү­хүү­­дийг элсүүлэн тэдэнд сургуулийн өмнөх, бага, суурь, бүрэн дунд болон мэр­гэж­­лийн анхан шатны боловсролыг сургалтын тус­гай арга зүй, технологиор олгодог. Харин 2008-2009 оны хичээлийн жилээс эхлэн суралцагчдын хөгжлийн бэрх­­шээлийн онцлог, авьяас сонирхолд нийцүүлэн “Үс­­чин-гоо сайхан”, “Хоол үйлдвэрлэл-нарийн боов”, “Модон эдлэлийн мужаан”, “Оёмол бүтээгдэхүүний оё­дол­чин-эсгүүрчин” гэсэн дөрвөн мэргэжлээр мэргэж­лийн анхан шатны сургалтыг эхлүүлсэн нь бага ч атугай суралцагчдынхаа амьдралын баталгаа, нийгэмд эзлэх байр суурийг нь хангаж өгч байгаа явдал юм.

Харин Баянгол дүүргийн 70 дугаар тусгай сургуульд Баянгол, Сонгинохайрхан дүүргийн хөгжлийн бэрх­шээлтэй 228 хүүхэд хам­рагддаг байна. Үүнээс 118 нь бага ангид суралцдаг аж. Су­рагчдын 20 нь тэргэнцэртэй тухай сургуулийн захирал нь ярьж байв.

26 хүүхдийн суудалтай том оврын авто­бустай болсноор бага ангийн сурагчдаа сургуульд нь унаа­гаар зөөх боломжтой боллоо

Түүнчлэн сурагчид тө­дийгүй эцэг эхчүүд нь хөгж­лийн бэрхшээлтэй хүүх­­­­дэд зориулсан тусгай авто­бусаар үйлчлэх бол­сонд талархсан сэтгэлээ илэр­хийлж байсан юм. Учир нь 70 дугаар сур­гуульд Баян­­хошуунаас явдаг тэргэн­цэртэй хүүхдүүд олон байдаг гэнэ. Тэдгээр хүүхдийг сур­­гуульд нь өдөр бүр ний­тийн тээвэр болон микро автобусаар зөөвөрлөхөд хүнд­­рэлтэй байж. Харин өчигдрөөс эхлэн энэхүү тус­гай автобусаар сурагчдыг зөө­вөр­лөх болсон нь тэдний талархлыг хүлээж байгаа бөгөөд сурагчдын хувьд тав тухтай орчинд сургууль руу­гаа аюулгүй зорчих, эцэг эх нь цаг, мөнгөө хэмнэх гээд олон давуу талтай болжээ.

Дашрамд дуулгахад ул­сын хэмжээнд хөгжлийн бэрхшээлтэй 1300 хүүхэд сургуулийн өмнөх боловс­ролын байгууллагад, 15770 хүүхэд сургуульд сурал­цаж байна. Үндэсний хэм­жээнд зургаан тусгай сур­гууль бай­гаагаас харааны бэрх­шээл­тэй хүүхдийн нэг, сонсголын бэрхшээлтэй хүүхдийн нэг, оюуны хөгжлийн бэрх­шээл­тэй хүүхдийн дөрвөн тусгай сургуульд нийт 1600 гаруй хүү­хэд суралцаж байна. Ерөнхий боловсролын сур­­­гуульд суралцаж буй нийт хүүхдийн 50 орчим хувь нь буюу 7064 нь хараа­­ны бэрхшээлтэй гэж бүртгэгд­жээ. Дээрх сургуу­лиудад согог зүйч багш 58, хэл ярианы засалч багш дөрөв ажиллаж байгааг ал­баныхан хэллээ.