Байгаль орчин, ногоон хөгжил, аялал жуулчлалын сайд Д.Оюунхорол УИХ-ын гишүүдэд мод тарих урилга хүргүүлжээ.

Түүний урилгыг хүлээн авсан УИХ-ын гишүүд маргааш Үндэсний цэцэрлэгт хүрээлэнд мод тарих гэнэ.

УИХ-ын дарга З.Энхболд өнөөдрийн чуулганы эхэнд гишүүдийг мод тарих үйлсэд өргөнөөр оролцохыг уриаллаа. Мөн тэрбээр  Байнгын ажиллагаатай парламент байгуулагдсаны 25 жилийн ойн хүрээнд УИХ төгөлтэй болж байгаа гэдгийг дуулгасан. БОНХАЖЯ-наас  "Нэг сая мод ургуулах хөдөлгөөн" өрнүүлсэн бөгөөд тус яамны хамт олон мөн маргааш  Дамбад мод тарих аж.