Хууль бусаар мод бэлтгэх үйлдэл нь экологийн гэмт хэргийн 1, 2 дугаар байрыг хуваан эзлэх болж, 2009-2011 онд нийтдээ 4000 орчим хууль бус мод бэлтгэх үйлдэл бүртгэгдсэн нь байгаль орчны эсрэг гэмт хэргийн бараг 70 хувь болжээ.

Тиймээс эрх зүй шинэтгэлийн хүрээнд байгаль орчны багц хууль 2012 онд шинэчлэн батлагдаж, Ойн тухай хуульд орон нутагт ойн ангийн бүтэц бий болж эерэг үр дүн гарч зарим тодорхой үр дүнд хүрсэн хэдий ч хүний шууд үйл ажиллагаатай холбоотой хууль бус мод бэлтгэл шаардлагын хэмжээнд хүртэл буурахгүй, зарим нэг харилцааг зохицуулсан зохицуулалт үгүйлэгдэж байгаа гэдгийг хуралдааны үеэр хууль санаачлагч хэлсэн.

Мод бэлтгэх, зөвшөөрөл олгох үйл ажиллагаа орон нутагт явагддаг байтал, хяналт тавих, зөвшөөрөл олгодог албан тушаалтнууд ажилдаа хайнга ханддагаас хууль бус үйл ажиллагаа газар дээрээ таслан зогсоогдохгүй, Улаанбаатар хотод орж ирсэн хойноо зөрчил илэрдэг байна.

Тиймээс эдгээр асуудлыг бууруулахад хуулийн шинэчлэл тус болно гэлээ. Ингээд Ойн тухайн хуульд нэмэлт өөрчлөлтийн асуудалд гишүүд байр суурийг хүргэж байна.

УИХ-ын гишүүн Д.Оюунхорол: Хууль нь хэрэгжиж чадахгүй байгаа учраас хулгайтай тэмцэж , зогсоож чадахгүй байна. Дэлхий нийт хууль бус мод бэлтгэлээс урьдчилан сэргийлж, хохирлын хэмжээг гаргахад ойролцоогоор 10 тэрбум ам.долларт хүрсэн гэж үзсэн. Монгол улсад 1990 оноос өнөөдрийг хүртэл хууль бус мод бэлтгэл, байгаль ослын гэмт хэрэг бол 10 орчим хувьтай байгаа юм.

УИХ-ын гишүүн А.Бакей: Ер нь байгаль орчны гэмт хэрэгт ганцхан төрийн байгууллагын албан хаагч, ойн байцаагч тэмцээд нэмэргүй гэдгийг мэдэж байгаа. Харин байгаль орчноо хамгаалахдаа тухайн нутгийн иргэд өөрсдөө оролцох. Ингэхдээ хамт байдлаар оролцох хэрэгтэй. Байгаль орчны гэмт хэргийн эсрэг хамтдаа тэмцэх үзэл баримтлалын дагуу явж ирсэн

УИХ-ын гишүүн Г.Баярсайхан: Хуулийг дэмжиж байгаа. Чухал хууль. Ийм нэг яриа байдаг нь “Хүн төрөлхтөн анхны модоо цавчиж унагаснаас эхлээд, сүүлийн модоо цавчиж унагаснаар дуусна” гэдэг. Жилд цөлжиж байгаа газрын хэмжээ хойд зүгт 1.5 метрээр тэлж байгаа.

УИХ-ын гишүүн Л.Болд: Иргэний мэдээлэл өгсөн явдлыг урамшуулж байгаа нь хөрөнгөө хаанаас гаргах вэ. Үүнийг олон талаас бодох нь чухал. Нэг талд хууль бус үйлдэлтэй нь тэмцээд, торгуулыг нь хүлээлгээд мэдээллийг нь аваал урамшууллаа. Харин нөгөө талдаа иргэдийн шаардлага байгаа. Түүнийг хэрхэх вэ.

УИХ-ын гишүүн Б.Гарамгайбаатарын хэлсэн үг.

УИХ-ын гишүүн Д.Ганбатын хэлсэн үг

Ингээд хуулийн төслийг хэлэлцэх эсэхийг хуралдаанд оролцсон гишүүдийн олонх дэмжлээ.

Богино нэртэй хуулийн шинэчлэл