Нэгэн үе монгол дээл өмссөн л бол хөдөөний хүн гэж үздэг хандлага тогтчихоод байсан. 

Гэхдээ энэхүү “гажиг” хандлага өөрчлөгдөж, Төрийн өдөрлөгүүд маань хүндэтгэлийн арга хэмжээндээ үндэсний хувцсаараа гоёдог болоод байгаа. Өнөөдөр УИХ-ын хаврын чуулган нээлтээ хийлээ. 

Чуулганы нээлтэд эмэгтэй гишүүд үндэсний дээлээ өмсч ирсэн нь хамгийн чамин харагдаж байлаа. Тэр тусмаа танхимд эрэгтэй гишүүдийн харцыг унагаж байсан хүн бол УИХ-ын гишүүн, Барилга хот байгуулалтын сайд З.Баянсэлэнгэ байв.

 Харин эрэгтэй гишүүдээс Дархан аварга Б.Бат-Эрдэнэ дээл өмссөн ч доогуураа ботинк өмссөн нь хачин сонин харагдаж байлаа. Товчхондоо хаврын чуулганы хамгийн гоё бүсгүй нь дэрэвгэр хормойтой ягаан дэлээр гангарсан УИХ-ын гишүүн З.Баянсэлэнгэ байсан гэдэг хөгшин хөвөөгүй л итгэцгээж байна. 

Эмэгтэй гишүүд маань энэ өдөр бүгд л хэлэлцсэн юм шиг үндэсний хувцсаараа гангарч, парламентын танхим дахь эрэгтэйчүүддээ үлгэрлэж үзүүлэв. Магадгүй дараа дараагийн сонгуульд бүсгүйчүүд маань олноор гарч ирвэл парламентын танхим тэр чигээрээ үндэсний дээл хувцсаараа гангарах ч юм билүү.