Ирэх оны нэгдүгээр сарын 1-нээс хөдөлмөрийн хөлсний доод хэмжээг 25 хувиар нэмэгдүүлж нэг цагт 1428 төгрөг 60 мөнгө байхаар шинэчлэн тогтоолоо.

Хөдөлмөр, нийгмийн зөвшлийн гурван талт үндэсний хорооны хуралдаанаар хөдөлмөрийн хөлсний доод хэмжээг 240 мянган төгрөгөөр тогтоов. 2013 онд 140,4 мянга байсныг  192 мянган тегрөг болгож нэмэгаүүлсэн. Хөдөлмөрийн хөлсний доод хэмжээний тухай хуульд хөдөлмөрийн хөлсний доод хэмжээг жилд нэг  удаа шинэчлэн тогтоохоор зохицуулсан байдаг. Гэтэл гурван жилийн хугацаанд цалингийн доод хэмжээ өсөөгүй. Тиймээс ирэх оны нэгдүгээр     сарын 1-нээс хөдөлмөрийн хөлсний доод хэмжээг 25 хувиар нэмэгдүүлж гог цагт 1428 төгрөг 60 мөнгө байхаар шинэчлэн тогтоосон талаар Хөдөлмөрийн сайд Г.Баярсайхан мэдээлэв.

Энэ талаар Ажип олгогч эздийн холбооны гүйцэтгэх захирал Х.Амгаланбаатар “Анх ажилд орж байгаа ажилчин тэтгэврийн хэмжээнээс бага цалин авч болохгүй. Энэ асуудлыг шийдэж, тэтгэврийн хэмжээнээс 10 мянган төгрөгөөр тогтоолоо. Эдийн засаг хүндрэлтэй байна. Хувийн хэвшлийнхэнд цалингаа шууд нөөц бололцоо алга. Тиймээс ирэх  оны эхний өдрөөс мөрдүүлэхээр шийдвэрлэсэн”  гэв. Харин санхүүжилтийг хэрхэн шийдэх болон цалингийн дундаж хэмжээ дагаад нэмэгдэх эсэхэд Хөдөлмөрийн сайд Г.Баярсайхан “Цалин авч буй хүмүүсийн дөрвөн хувь буюу 40 гаруй мянган хүн хөдөлмөрийн хөлсний доод хэмжээгээр цалинжиж байна. Эдгээр иргэнд хамгийн их гомэр болох шийдвэр гаргасан болов уу гэж бодож байна. Санхүүжилтийн хувьд Засгийн газар ирэх оны төсөвт 15.6 орчим тэрбум төгрөг суулгахаар төлөвлөсөн. Энэхүү шийдвэр бол цалин нэмэх талаар хийж буй чухал алхам гэж ойлгох хэрэгтэй. Улсын төсвийн эхний тодотголоор цалин нэмэх шийдвэргэй байгаа. Засгийн газар төсвийн тодотголоор 90 тэрбум төгрөг суулгаж өгснөөр цалингийн дундаж хэмжээг дагаад нэмэгдүүлэх боломж бүрдэнэ. Энэ бол Засгийн газрын хүлээсэн үүрэг” хэмээв.

Цалин авч буй хүмүүсийн дөрвөн хувь буюу 40 гаруй мянган хүн хөдөлмөрийн хөлсний доод хэмжээгээр цалинжиж байна

Цалингийн нэмэгдлийн сургаар өргөн хэрэглээний барааны үнэ хөдөлдөг. Энэ шийдвэр  иргэдийн цөөн хэсгийг хамрах учраас бараа бүтээгдэхүүн үнэд нөлөөлөхгүй болохыг Хөдөлмөр, нийгмийн зөвшлийн гурван талт үндэсний хорооны ажлын албаны дарга Д.Бямбаа хэлэв. Цалингийн доод хэмжээг нэмэх нь бага цалинтай, хөдөлмөрийн мөлжлөгт өртөж буй иргэдийн хамгаалах бодлого аж. Улмаар бага орлоготой иргэдийг ядуурлаас хамгаалах дархлаа болох гэнэ. Харин нийгмийн халамжаас хариуцдаг ахмад настан, насанд хүрээгүй хүүхдүүдийн эрүүл мэндийн даатгальш шимтгэлийн хэмжээ өсөх юм байна.

Нөгөө талаар Эрүүгийн болон Захиргааны шийтгэлийг хэмжээг хөдөлмөрийн хөлсний доод хэмжээгээр тоггоодог. Үүнийг дагаад замын хөдөлгөөний торгуулийн хэмжээний нэмэгдэх эсэх талаар ажлын албаны дарга Д.Бямбаагаас тодруулахад “Ирэх есдүгээр сарын 1-ний өдрөөс Эрүүгийн хууль шинэчилсэн найруулга хэрэгжиж эхэлнэ. Уг хуулиар шийтгэлийн хэмжээг төлбөрийн нэгжээр тооцохоор заасан. Өөрөөр хэлбэл, тодорхой заасан хэмжээг үржүүлж тооцох учраас цалингийн доод хэмжээ үүнд нөлөөлөхгүй” гэлээ.