Эрхэм уншигч танд Амар трэнинг сургалтын төвөөс бэлтгэдэг цуврал нийтлэлээс толилуулж байна.

Орчин үеийн амьдралын хэв маяг нэг талаасаа зогсолтгүй хэмнэл, хурдтайгаар өрнөх үйл явдалуудын нийлбэрээс бүрддэг болоод удаж байна. Энэ хурд биднээс аливаад бэлтгэлтэй байдал, заримдаа тэсвэр тэвчээрийг ч шаарддаг.

Хурдтай хэмнэлийг гүйцнэ гэдэг нь ажлыг хялбарчлах, хурдтай шуурхай хийх арга барилд суралцах гэсэн үг бөгөөд бид үүнд зориулан уг зөвлөмжийг нийтэлж байна. Та эдгээрийг хэрэгжүүлснээр ажил амьдралдаа илүү ахиц гаргах боломж бүрдэх юм.

Ухаанаа тэл

Бага багаар ачааллыг нэмэгдүүл. Хүн хэт тайван, өөрийгөө дайчлахгүй нөхцөлд байх тусам чадварууд сулардаг муу талтай. Тиймээс айлгүйгээр нуруундах ачаагаа нэмэгдүүлээрэй. Энэ нь таны ажлын гүйцэтгэл болон арга барилыг нэмэгдүүлж өгдөг  сайн талтай.

Өөдрөг  бай

Бүх зүйлс таны хэлснээр болохгүй нь лавтай. Ийм учир очих газар тань хүргэх олон салаа зам байгаа гэдгийг санах хэрэгтэй

Эелдэг хэрнээ хариуцлагатай бай

Хүмүүстэй эелдэг харилцах нь таньд урам өгөх бөгөөд хэрэгжүүлж эхлэх үед үр дүн нь шууд мэдрэгдэнэ. Мөн харилцааны нэг чухал зүйл бол хэлсэн амлалтандаа хүрдэг байх хариуцлагатай байдал билээ.

Бусдын үгэнд бүү ор

Бусад хүмүүс ихэнх нь шүүмжлэх хандлагатай байдаг учир таны амжилтанд хүрэм замд саад учруулж төөрүүлж ч магадгүй. Энэ бол таны л амьдрал гэдгийг ямагт санаарай

Цаг үрэгчдээс ямагт зугтаж яв

Ажиллаж буй эсвэл энгийн үед ч таны амьдралаас хомслогчид гарч ирдэг. Хомслуулсан тэр цаг хугацаа хэзээ ч юугаар ч нөхөгдөхгүй байх талтай

Үдэш бүр өнөөдөр юу хийсэн бэ гэж өөрөөсөө асуу

Магадгүй таныг шүүх хамгийн сайн шүүгч бол та өөрөө юм. Бусдын нүдээр бүтэмжтэй мэт харагдавч таны хувьд хэр үр дүнтэй байсан бэ 

Шилжүүлэлтийг ашиглаж сур

Бүх зүйлийг өөрийн гараар гүйцэтгэн гэдэг нь хэт их дарамт стрессийг авчирдаг. Боломжтой тохиолдолд бусдаар тэрхүү ажлыг гүйцэлдүүлж байх хэрэгтэй.

Цаг төлөвлөлтийн зарчмуудаас хэрэглэх

Хэрэгтэй гэдгийг мэддэг ч хэрэгжүүлэхдээ алдаа гаргадаг. Жижиг гэлтгүй цаг төлөвлөлтийн дүрэм зохиож түүнийгээ хэрэгжүүлдэггүй.

Аливаа ажлыг бүү хойшлуул

Маргааш гэх үг дуусахгүй ч таны хувьд хязгаартай ойлголт юм гэдгийг үргэлж санах хэрэгтэй. Мөн аливааг гүйцэтгэх хурдаа нэмэгдүүлж чадвал таны ажил таныг бухимдуулахаа болих болно. Танд амжилт хүсье