Ц.Дашдорж: Эхний ээлжинд Ухаа худаг-Таван толгой, Сайншандын чиглэлийн төмөр замыг барина

2012.05.07

Ц.Дашдорж: Эхний ээлжинд Ухаа худаг-Таван толгой, Сайншандын чиглэлийн төмөр замыг барина

Засгийн газрын мөрийн хөтөлбөрт уул уурхайн бүтээгдэхүүнийг хоёр хөрш төдийгүй гуравдагч зах зээлд гаргахаар тусгасан. Гэвч өнгөрсөн гурван жил хөрөнгө санхүүгийн асуудлаас болоод гацаанд ороод байсан энэ төслийг концессын гэрээгээр зохицуулж, ирэх долоо хоногт төмөр зам барьж эхлэхээр Засгийн газар шийдвэрлэсэн байна. Шинэ төмөр замыг ашиглалтад оруулснаар Сайншандын аж үйлдвэрийн парк туул уурхайн түүхий эдийг боловсруулж, нэмүү өртөг шингэсэн бүтээгдэхүүнийг дотоодын болон дэлхийн зах зээлд гаргах нөхцөл бүрдэнэ гэж Засгийн газар үзэж байгаа юм. Хөгжлийн банкнаас босгосон хөрөнгийн зохих хувийг төмөр зам барихад зарцуулахаар болжээ.

Энэ талаар ЗТБХБ-ын-сайд Ц.Дашдоржоос тодрууллаа.

-Концессын гэрээгээр төмөр зам барих ажлыг энэ долоо хоногоос эхлэхээр шийдэж байгаа юм байна. Энэ талаар тодруулахгүй юу?

-Маршрутаар нь харвал Гашуун сухайтын хилийн боомтоос Ухаа худаг, Сайншанд, Хөөт нөмрөг, Чойбалсангийн чиглэлийн төмөр замыг хөдөлгөх ёстой. Харин бид энэ удаа хоёр концессын гэрээг үзэглэнэ. Эхний ээлжинд Ухаа худаг-Таван толгой, Сайншандын чиглэлийн төмөр замыг барьж, уул уурхайн бүтээгдэхүүнийг Сайншандын аж үйлдвэрийн паркт боловсруулалт хийх бололцоог олгох юм.

-Нийт хэчнээн км төмөр замыг концессын гэрээгээр барих вэ?

-Дээрх хоёр чиглэлийн нийт 774 км төмөр замыг барихад 2.4 тэрбум ам.доллар шаардлагатай. Төмөр замаар тээвэрлэж гурав дахь зах зээлд буюу Европын холбоо, Япон, Солонгосын хүнд үйлдвэрлэл хөгжсөн газар руу яаж хүргэх вэ гэдэг асуудал байгаа. Ингэхийн тулд хоёр хөршийнхөө дотоод сүлжээг яаж ашиглах, тэдэнтэй үг хэлээ хэрхэн уялдуулах вэ гэдэг цогц асуудлын хүрээнд авч үзэж байгаа.

0ЭКСПЕРТсэтгэгдэл

Сэтгэгдэл оруулахын тулд та хэрэглэгчийн эрхээр нэвтэрнэ үү.