НИТХ-ын дарга С.Амарсайхан болон албанын зарим хүмүүс нийслэлийн хамгийн өндөр настай ахмадуудад хүндэтгэл үзүүллээ. Гарч байгаа жил ахмад буурлуудад ээлтэй, залуучуудад ажил үйлс нь бүтэмжтэй, ивээл буянаа хайрласан сайхан жил болно гэж ахмадууд бэлэгшээж сууна.

НИТХ-ын дарга С.Амарсайхан:  Өндөр настай азай буурлууддаа үеийн үед хүндэтгэл үзүүлж ирсэн уламжлалтай. Энэ уламжлалынхаа хүрээнд өнөөдөр улстөр, нийгмийн нэрт зүтгэлтэн, Монгол Улсын 14 дэх Ерөнхий сайд Д.Содном гуйанд хүндэтгэл үзүүлж, сар шинийн мэнд хүргэж, хууч хөөрлөө. Золгож байгаа нохой жил нийслэлчүүдийн хувьд үр өгөөжөө өгсөн, ажил хөдөлмөр ундарсан, амьдрал ахуй өөдөлсөн, хүн бүр сэтгэл тэнийсэн сайхан жил болох өдөр тохиож байна. Цаашдаа нийслэлчүүдийн маань ажил амьдрал улам өөдрөг сайхан, нийслэл хот минь өнгөтэй, өөдтэй сайхан хөгжихийн өлзийтэй ерөөлийг өргөн дэвшүүлье.