Техникийн болон мэргэжлийн боловсролын тухай хуулийн төсөл боловсруулах ажлын хүрээнд УИХ-ын гишүүн Х.Ганхуяг Монгол-Солонгосын политехник коллеж, Хүнс,технологийн политехник коллеж, Улаанбаатар төмөр замын политехник коллеж, Шинэ Монгол технологийн коллеж (КОСЭН)-ийн үйл ажиллагаатай тус тус танилцлаа.

Уулзалтын үеэр багш нарын зүгээс тавьсан саналуудыг хураангуйлбал:

• Хувьцах зардлыг тухайн мэргэжлийн өртөгтэй уялдуулан санхүүжүүлэх
• Өөрийн орлогыг захиран зарцуулах эрхийг өгөх
• Дадлагын газрыг нэмэгдүүлэх
• Багшийн хөгжлийг дэмжих, мэргэжил дээшлүүлэх асуудлыг бодлогоор дэмжих
• Багш, ажилтнуудад нийгмийн асуудал дээр дэмждэг байх
• 2012 оноос хойш нэг суралцагчид олгох хувьцах зардлыг шинэчлээгүй байна. Үүнийг нэмэгдүүлэх
• Их, дээд сургуульд дэвшин суралцахад кредит тооцох, дүйцүүлэх боломжтой болгох
• Төгсөхийн өмнөх дадлагыг хөдөлмөрийн хөлсний доод хэмжээгээр цалинтай хийдэг байхаар хуульд тусгаж өгөх
• Хуулийн төслийн нэр томъёоны хувьд дан ганц техникийн боловсрол гэж биш “мэргэжлийн болон техникийн боловсролын” гэж оруулах
• Дээд боловсролын болон мэргэжлийн боловсролын хуулийн уялдаа дээр анхаарах зэрэг олон санал санаачлагыг хэлсэн байна.