МҮЭХ-ны Ерөнхийлөгч С.Эрдэнэбат 9 дүгээр сарын 6-ны өдөр МТХГТАҮЭ-үүдийн холбооны дарга М.Болдсайхан, Жолооч тээвэрчдийн ажилчдын ҮЭ-ийн хороо дарга С.Батаа, жолооч нарын төлөөллийн хамт хүлээн авч уулзлаа.

БНХАУ руу нүүрс тээвэрлэлтийн компаниуд нь жолооч нартай хөдөлмөрийн гэрээ байгуулахгүй, цалин хөлсийг дутуу олгох, ажлын байрны хүнд нөхцөлд ажиллуулах зэргээр тээвэрлэлтийн жолооч нарын эрх ашгийг зөрчжээ.

Эдгээр асуудлаар Салбарын ҮЭ-үүдийн холбоотойгоо хамтран холбогдох газруудад шаардлага  хүргүүлж хандсан боловч өнөөдрийг хүртэл шийдвэрлэгдээгүй байна.

Иймд МҮЭХ-ны удирдлагуудын зүгээс анхаарал хандуулан Засгийн газар болон салбарын яаманд хөдөлмөрлөх эрхийн зөрчилийг арилгуулах, ажлын байрны нөхцөлийг сайжруулах талаар хандаж дэмжлэг үзүүлж хамтран ажиллах хүсэлт гаргалаа.

МҮЭХ-ны зүгээс жолооч нарын гаргасан  эдгээр баримт нотолгоотой өргөдөл гомдолыг судлан үзэж Салбарын ҮЭ-үүдийн холбоотой хамтран ЗТЯ, ХЭҮК, МХЕГ зэрэг холбогдох төрийн байгууллагуудад хандаж асуудлыг шийдвэрлэхэд дэмжлэг үзүүлж хамтран ажиллахаар болов.