МҮЭ-ийн холбооны “Хөдөлмөр сургалт, судалгааны төв”-өөс Баянхонгор аймгийн шинээр сонгогдсон хороодын дарга нарт “Үйлдвэрчний эвлэлийн үндсэн мэдлэг” сургалт боллоо.

Сургалтын эхэнд МҮЭ-ийн холбооны ЕНБД Х.Буянжаргал, "Хөдөлмөр сургалт, судалгааны төв”-ийн дарга Б.Насанжаргал нар ҮЭ-ийн үндсэн мэдлэг сургалтын ач холбогдол үр дүнгийн талаар товч танилцуулав.

Тус сургалтаар МҮЭ-ийн холбооны хөгжлийн зорилт, ҮЭ-ийн байгууллагын танилцуулга, ҮЭ-үүдийн эрхийн тухай хууль, гишүүн байхын давуу тал, анхан шатны хорооны жишиг хамтын гэрээ, салбарын хэлэлцээр, Хөдөлмөрийн тухай хуулийн шинэчилсэн найруулга, ҮЭ-ийн тэмцлийн арга хэмжээг хуулийн хүрээнд зохион байгуулах нь зэрэг сэдвийн хүрээнд шинээр сонгогдсон ҮЭ-ийн хороодын дарга нарт мэдлэг ойлголт өгсөн юм.