УИХ-ын чуулганы /2023,04,21/-ны өдрийн хуралдаанаар Эрүүл мэндийн даатгалын Үндэсний зөвлөлийн зарим гишүүнийг чөлөөлөх, томилох тухай асуудлыг хэлэлцлээ.

Хэлэлцэж буй асуудалтай холбогдуулан гишүүд асуулт асуулаа.

УИХ-ын гишүүн О.Цогтгэрэл:

Монгол Улс эрүүл мэндийн тусламж үйлчилгээг хэрхэн үнэлдэг вэ. Эмчлүүлэгчдийн сэтгэл ханамжийг үнэлдэг, дүгнэдэг, харьцуулдаг, эрэмбэлдэг үзүүлэлтүүд байна уу. Мөн харьцуулсан тоон үзүүлэлт байна уу.

Эрүүл мэндийн салбарын засаглалын асуудал, ЭМД-ын ерөнхий газар гэж бий. Тэд өөрсдөө захиалгаа өгдөг, үйлчилгээгээ худалдаж авдаг. Нэг ёсондоо, өөрсдөө мөнгөө төлөөд өөрсдөдөө үйлчилгээгээ үзүүлчихдэг. Энэ тогтолцооны цаана засаглалын үр ашгийн асуудал байхгүй болчхоод байна. Үүн дээр хариуцсан байнгын хороо нь ямар санаа бодолтой байна вэ?

ЭМД-ын үндэсний зөвлөл, ЭМД-тай холбоотой өрийн авлагын асуудал яригддаг, энэ асуудал өнөөдөр ямар түвшинд явж байна. Хариулт өгнө үү?

Түүний асуултад, Нийгмийн бодлогын байнгын хорооны дарга П.Анужин хариулт өглөө.