Монгол Улсад үйл ажиллагаа явуулж буй их, дээд сургуулийн оюутнуудыг хамруулсан “Student day” өдөрлөг МУИС-д болсон юм. Энэ арга хэмжээн Ерөнхий сайд Л.Оюун-Эрдэнэ, УИХ-ын гишүүн С.Чинзориг нар оролцож оюутнуудын Засгийн газраар шийдүүлэхийг хүсч илгээсэн саналуудаас эрүүл мэндийн салбартай холбоотой асуудлыг хэрхэн шийдвэрлэх талаар саналаа хэллээ.

Хамгийн олзуурхууштай нь оюутнууд өөрсдөдөө тулгамдаж буй асуудлуудаас 10-ыг нь эрэмбэлсэн жагсаалтын хамгийн эхэнд эрүүл мэндийг тавьж орон даяар явагдаж буй эрт илрүүлэгт бүрэн хамрагдах хүсэлтээ илэрхийлсэн байв. Улс орны ирээдүйг авч явах залуус эрүүл мэнддээ анхаарч, урьдчилан сэргийлэх үзлэг оношлогоонд хамрагдахыг үе тэнгийнхэндээ уриалж буй энэ саналыг Засгийн газар бүхий л талаар дэмжих бөгөөд эрүүл мэндийн даатгалгүйгээс эрт илрүүлэгт орж чадахгүй байгаа оюутнуудыг нэг удаа хамруулах боломжтой юм.

Эрүүл мэндийн даатгалын Үндэсний зөвлөлийн тогтоолоор баталсан “Урьдчилан сэргийлэх, эрт илрүүлэх үзлэгийн багц, төлбөрийн хэмжээ”-гээр оюутан суралцагчид 18-30 насны багцад хамрагдах бөгөөд тус багцад зүрх судас, хоол боловсруулах замын эмгэг, сүрьеэ, гепатит В.С вирусын халдвар, бэлгийн замаар дамжих халдварыг илрүүлэх үзлэг шинжилгээг авч байгаа. Оюутнынуудын хувьд эрт илрүүлэгт хамрагдах идэвх тийм ч сайн байж чадахгүй байгаа. Мөн нэлээд хэсэг нь эрүүл мэндийн даатгалд хамрагдаж шимтгэл төлөөгүйгээс эрт илрүүүлэгт орж чадахгүй байгаа шалтгаан хэлдэг юм билээ.

Эрүүл мэндийн даатгалын тухай хуулиар бүх шатны сургуульд сурч буй оюутан суралцагч нь шимтгэлээ өөрөө төлөх бөгөөд сард төлөх шимтгэлийн хэмжээ нь хөдөлмөрийн хөлсний доод хэмжээний 1.0 хувь байхаар заасан. Үндэсний статистикийн хорооны 2022 оны мэдээлэлд 19-өөс дээш насны 95,9 мянган оюутан, суралцагч байгаагаас эрүүл мэндийн даатгалд 14,3 мянган оюутан суралцагч л хамрагдаж шимтгэл төлсөн байна.

Сэтгүүлч

Сэтгүүлч Ц.Соёлмаа soyolmaa@vip76.mn