УИХ-ын чуулганы /2023,04,21/-ны өдрийн хуралдаанаар Эрүүл мэндийн даатгалын Үндэсний зөвлөлийн зарим гишүүнийг чөлөөлөх, томилох тухай асуудлыг хэлэлцлээ.

Хэлэлцэж буй асуудалтай холбогдуулан гишүүд асуулт асуулаа.

УИХ-ын гишүүн Д.Сарангэрэл:

ЭМД-ын зөвлөл бол олон талын эрх ашгийн тэнцвэр байх ёстой. Гишүүнээр нэг дэвшиж байгаа хүмүүс үүнийг харсан гэж бодож байна. Та бүхэн иргэдийн өмнө тулгамдаж байгаа асуудлыг шийдээрэй. Өнөөдөр өвчтэй байгаа хэн нэгнийхээ төлөө бүгдийг дуусгаад ард түмнээсээ хандив, тусламж гуйж байгаа олон хүмүүс бий. Миний хувьд ЭМД-ын ҮЗ-ийн даргаар тодорхой хугацаанд ажилласан. Гучин тэрбум төгрөг төлөвлөдөг Эрсдэлийн сан байдаг. Үүнээс одоогоор эх орондоо эмчилж чадахгүй байгаа иргэдэд тусламж үйлчилгээг энэ эрсдэлийн сангаас олгох боломж бий. Үүн дээр тооцоо судалгаатай, сэтгэлтэй хандаасай гэж хүсэж байна. 

Ахмадууд хөнгөлөлттэй эмийн асуудалд гомдол их хэлдэг. Хүн амын дунд голлон зонхилж байгаа өвчнийг голлон анхаарч ажиллах ёстой. Эм ханган нийлүүлэх компани лоббинд орохгүй асуудлыг шийдээрэй. Өндөр өртөгтэй эмнэлгийн тусламж үйлчилгээний хэрэгслийн талаар ЭМД-ын үндэсний зөвлөл шийдвэр гаргадаг. Үүнийг шийдэж өгч чадвал, иргэдийн гадагшаа явах, мөнгөний урсгалыг хааж чадна.

Сэтгүүлч

Сэтгүүлч Ц.Соёлмаа soyolmaa@vip76.mn