УИХ-ын гишүүн О.Саранчулууны санаачилгаар Хөгжлийн бэрхшээлтэй хүний хөгжлийн ерөнхий газарт энэ сарын 8-нд Хиймэл хөлний эсуудлаарх 2025 оны ээлжит эхний улирлын уулзалт зохион байгуулагдлаа. 

О.Саранчулуун гишүүн хэлэхдээ “Олон янзын шалтгааны улмаас мөч тайрагдан алхам бүртээ үүнийгээ хүлээн зөвшөөрч даван туулж амьдрана гэдэг бол өөрөө маш их сэтгэлийн тэнхээ юм. Эхнээсээ өөрийгөө байгаагаар нь хүлээн зөвшөөрч ирээдүйн талаар ярьж, үүнийг магадгүй бид давуу талаа болгож болно гэж ярихыг сонсох үнэхээр урам авмаар байлаа. Гадаа маш хүйтэн ч бидний уур амьсгал хамгийн дулаан. -27 градуст хаа холоос зориод ирдэг тэднийгээ үнэхээр хайрламаар” хэмээн сэтгэгдлээ хуваалцжээ.