Монгол Улсын Их Хурлын Байгаль орчин, хүнс, хөдөө аж ахуйн байнгын хорооны гишүүд Хүнс, хөдөө аж ахуй, хөнгөн үйлдвэрийн яам (ХХААХҮЯ) болон харьяа байгууллагууд Дархан-Уул аймагт нүүн шилжсэнтэй холбоотойгоор үйл ажиллагаатай танилцлаа.

Байнгын хорооны дарга Б.Бейсен, УИХ-ын гишүүн М.Мандхай, П.Батчимэг, Р.Батболд, М.Ганхүлэг, Б.Найдалаа нар ХХААХҮЯ-ны хэрэгжүүлж буй төсөл, хөтөлбөр, бодлого, үйл ажиллагааны талаар мэдээлэл сонсож, Хөдөө аж ахуйн бирж ТӨХХК, Хөдөө аж ахуйн корпораци ТӨХХК, Зээлийн батлан даалтын сангийн Дархан-Уул аймаг дахь салбар, Жижиг, дунд үйлдвэрийн газрын ажил үйлчилгээ, холбогдох асуудлаар санал солилцов.