БНСУ-ын виз хүсэгчдийн гадаад пасспортыг 30 хоногоор хураан авч байгаа асуудал, нэгэнт виз олгоогүй бол 6 сараар дахин виз мэдүүлэхийг хориглож байгаа асуудал, нэгэнт виз авсан иргэдийг БНСУ-ын хил дээрээс буцааж байгаа асуудал, БНСУ-ын Инчёон онгоцны буудалд түр саатуулахдаа хүний эрхийг ноцтой зөрчиж байгаа гээд олон асуудлуудыг хөндлөө.

2025.04.29-ны өдөр БНСУ-ын Инчёон олон улсын онгоцны буудал дах Цагаачлалын албаны Монгол иргэдийг нэвтрүүлэхгүй саатуулж буй ярилцлага өрөө, саатуулж буй байр савны асуудлаар газар дээр нь ажиллахад БНСУ-ын ЭСЯ-наас бүрэн дэмжиж ажиллах, цаашид хүний эрхийн зөрчил гаргахгүй байхад онцгойлон анхаарахаа хэллээ.

Монгол-Солонгос Парламентийн бүлгийн дэд даргын хувиар БНСУ-аас Монгол Улсад суугаа онц бөгөөд бүрэн эрхт элчин сайд Чой Жин Вон болон холбогдох албаны хүмүүстэй Монгол Улсын иргэдийн зөрчигдөж байгаа эрхийн асуудлаар албан уулзалт хийлээ.