Төсөв тодотгохгүй, алтны орлогоор орлогын бууралтыг нөхнө хэмээн яригдах үед төсөв тодотгохоос өөр аргагүй гэдгийг хэлж байсан гишүүдийн нэг бол УИХ-ын гишүүн Б.Мөнхсоёл юм. 

Тэрбээр Засгийн газраас өргөн барих төсвийн тодотголд онгойлон анхаарна гэдгээ илэрхийллээ.

Төсвийн тодотголд хийхэд дараах зарчмыг баримтлах нь зүйтэй хэмээн үзэж байна.

-Хөрөнгийн зардлыг 530 гаруй тэрбум төгрөгөөр бууруулах гэнэ. Боловсрол, эрүүл мэнд, эрчим хүч зэрэг чухал салбарын хөрөнгө оруулалт зогсох ёсгүй.

-Урсгал зардлыг 1.8 их наядаар танах гэнэ. Ямар зардлаас танах нь хамгаас чухал. Иргэдийн орлого, нийгмийн хамгаалал буурах ёсгүй.

-Төрийн албыг цомхотгох гэнэ. 14,400 төрийн албан хаагчийн ар гэрийн амьдрал яригдаж байгааг бид мартах учиргүй. Цомхотгол илүүтэй дарга ангид л хамаатай.