2012.05.16
Монгол Улсын экс Ерөнхийлөгчийг батлан даалтаар суллажээ
"ВВС"-гийн мэдээлснээр Монгол Улсын экс Ерөнхийлөгч Н.Энхбаярыг батлан даалтаар суллалаа. Өнгөрсөн дөрөвдүгээр сарын 13-нд түүнийг авлигын хэрэгт сэжиглэн баривчилсан юм. Торны цаана байхдаа Н.Энхбаяр арван хоног өлсгөлөн зарлажээ. Харин суллагдсаныхаа дараа өлсгөлөнгөө зогсоосон юм. Төрөл төрөгсдийнх нь ярьснаар хоригдож байх үедээ Н.Энхбаярын бие муудсан гэжээ. Одоо тэрбээр эмнэлэгт хэвтэн эмчлүүлж байгаа аж.
Монголын эрх баригчид Н.Энхбаярыг Ерөнхийлөгч байхдаа хууль бусаар улсын мөнгө шамшигдуулсан гэж үзэж байгаа. Харин экс Ерөнхийлөгчийг дэмжигчид түүнийг хорьсон нь ирэх зургадугаар сард болох парламентын сонгуульд Н.Энхбаярын тэргүүлэх Монгол Ардын хувьсгалт намынхныг оролцуулахгүй гэсэн үг гэж онцолж байв.
Авлигатай тэмцэх газрын төлөөлөгч мэдүүлэг авахаар дуудахад Н.Энхбаяр ирээгүй. Тиймээс ийм арга хэмжээ авсан гэх тайлбар өгсөн юм. Н.Энхбаяр нь 2009 оны Ерөнхийлөгчийн сонгуульд одоогийн Ерөнхийлөгч Ц.Элбэгдоржтой өрсөлдөж ялагдал хүлээжээ.
н
Экспертүүдийн сэтгэгдэл
Одоогоор сэтгэгдэл нэмэгдээгүй байна. 
