МАХН-МҮАН-ын эвслээс УИХ-ын 2012 оны сонгуульд нэр дэвших хүмүүсийн нэрс тодорхой болсон. Тэгвэл МАХН-ын дарга Н.Энхбаяр нам, эвслийнхэнтэйгээ байнга холбоо барьж, зөвлөгөө өгч байгаа гэнэ. МҮАН-ын дарга М.Энхсайхан ч түүнтэй ажлын шаардлагаар уулзаж байгаа бөгөөд тэрбээр "Н.Энхбаяр их идэвхтэй хүн. Тиймээс ажилдаа санаа нь зовоод асуугаад байх юм. Бид ч өөрийн эрхгүй эмнэлэг дээр очиж ажлыг нь танилцуулж байгаа" гэж ярьжээ. Дашрамд дурьдахад, Сүхбаатар дүүргийн шүүхээс түүнийг УИХ-ын 2012 оны сонгуульд нэр дэвших эрхтэй гэдгийг өчигдөр албан ёсоор хүлээн зөвшөөрсөн. Мөн Сонгуулийн ерөнхий хорооны дарга Н.Лувсанжав "МАХН-ын дарга Н.Энхбаяр одоогоор ямар нэгэн ял шийтгэлгүй байгаа тул түүнийг нэр дэвшигчээр бүртгэж авахаас татгалзах зүйлгүй" гэлээ.