40 гаруй компанийн 50 орчим барилгыг танилцуулах үзэсгэлэнгийн үеэр иргэдэд дулааны хэмнэлттэй амины орон сууц барих тухай зөвлөгөө, мэдээлэл өгөх аж. Мөн орон сууцны хотхон, хорооллыг хэрхэн баригдаж байгааг танилцуулах зорилгоор иргэдийг автобусаар аялуулах гэнэ.

"Хөрөнгө оруулагчид, үл хөдлөх хөрөнгийн худалдаа, зуучлал, үнэлгээ, даатгалын чиглэлээр үйл ажиллагаа явуулдаг аж ахуйн нэгж, банк санхүүгийн байгууллага, орон сууцны барилга барьж, худалдан борлуулдаг компаниудыг нэг дор уулзуулах энэ үзэсгэлэн нь иргэд олон нийтэд цогц мэдээлэл авах боломжийг нээж өгнө" хэмээн тус төвийн захирал Г.Түмэнжаргал хэлэв.