Монгол Улсын Засгийн газар хөгжлийн 14 мега төслийн нэгдүгээрт эрэмбэлэгдсэн Гашуунсухайт - Ганцмод боомтын хил дамнасан төмөр замыг холбох Монгол Улсын Засгийн газар, БНХАУ-ын Засгийн газар хоорондын хэлэлцээрт гарын үсэг зурлаа.

Ерөнхий сайд Л.Оюун-Эрдэнэ 1955 оны хэлэлцээрээр байгуулсан Замын-Үүд - Эрээнээс хойш хийгдэх хил холболтын хоёр дахь төмөр зам Гашуунсухайт - Ганцмод юм гэдгийг онцоллоо.

УИХ-ын Н.Батсүмбэрэл хэлэхдээ “Энэхүү төмөр замын хил дамнасан холболт нь манай улсын экспорт, импортын салбарт чухал нөлөө үзүүлнэ гэдгийг судлаач мэргэжилтнүүд тэмдэглэн хэлдэг. Тэлж байгаа эдийн засгийн өсөлтийг дэмжих, үр өгөөжийг нэмэгдүүлэхэд чухал үүрэгтэй байж таарна.

Юутай ч гурван нам хамтарсан өнөөгийн Засгийн газрын зоримог шийдлээр мега төслүүдийн нэг нь, олон жил хүлээгдсэн Ганцмод - Гашуунсухайт төсөл үргэлжлэх боллоо. Бүтээн байгуулалт тасралтгүй байг” хэмээв.