Оросын Үндэс­ний шигшээ баг Лондонгийн олим­под багийн дүнгээр дөрөв­дүгээрт жагссан юм. Тус улсын баг нийт 82 медаль хүртсэний 24 нь алт, 25 нь мөнгө, 33 нь хүрэл аж. ОХУ-ын Ерөнхий­лөгчийн Засаг захир­гааны дарга Сергей Иванов мөнгө, хүрэл меда­лийн эздийг Малахитын танхимд хүлээн авчээ.

 

Тэрээр "Хэрэв бид эдийн засгийн салбар­таа ийм амжилт гаргасан бол бүр ч сайхан байх байлаа" хэмээн он­цол­сон байна. Харин ОХУ-ын Ерөн­хий­лөгч В.Путин Александровын тан­химд алтан медалийн эздэд өөрийн биеэр  шагналыг нь гардуулжээ. Тэрээр тамирчдын амжилтыг өндрөөр үнэлж, тэднээр эх орон нь бахар­хаж буйг уламжилсан байна. Крем­лийн ордонд уригдсан бүх тамирч­дад одон гардуулжээ.

 

Төрийн дээд шагнал болох "Эх орны төлөө" дөрөв­дүгээр зэргийн одон, "Хүндэт одон", "Найрамдлын одон" зэргээр  энгэрийг мя­лаасан байна. ОХУ-ын төрийн тэргүүн олимпод амжилт гаргасан тамирчид болон дасгал­жуулагчдад сайн ажилласных нь төлөө таларх­ал илэрхийлээд есдү­гээр сарын 1-нд төрөлх сур­гууль­даа очин хүүхдүүдтэй уул­захыг хүсчээ. Учир нь алдарт­нуудтайгаа уулзах нь хүүхдүүдэд сонирхолтой байх болно хэмээсэн байна. ОХУ-ын төрийн тэргүүн Кремльд та­мирч­дыг хүлээн авсны дараа "Василевс­кий спуск" хэмээх газарт олимпийн медальтнуудад машин гардуулсан байна. Нийт 129 ширхэг хар өнгийн "Аudi" маркийн ма­шиныг тэдэнд бэлэглэжээ.

Тодруулбал, олимпоос алт ав­сан тамирчид "Audi8" маркийн, мөнгөн медалийн эзэд "Аudi A7 Sportback", харин хүрэл медальт­нууд "Аudi A6" машинтай болц­гоожээ.  Оросын хэвлэлд мэдээлс­нээр машин авсан тамирчдын дунд жолооны эрх аваагүй тамирчид байсан гэнэ. Үүний зэрэгцээ  Оросын тамирчдад төрөөс мөнгөн шагнал олгож байгаа юм. Алтын эзэд дөрвөн сая рубль, мөнгө 2.5 сая, харин олимпийн хүрэл ме­дальт­нуудад 1.7 сая рубль олгожээ. Үүний зэрэгцээ спортын холбоо, бүс нутгийн болоод ивээн тэтгэгч­дээс нь тамирчдаа шагнах юм байна.