Шинэчлэлийн Засгийн газар яамдын үйл ажиллагааг ажил, үүргийн давхардалгүй, хариуцлага хүлээх чадвартай байлгахад чиглэсэн бүтцээ өнөөдрийн ээлжит бус хуралдаанаар баталлаа. Мөн яамдын орон тооны дээд хязгаарыг тогтоосон байна.

Түүнчлэн Монгол Улсын 2012 оны төсвийн тухай хуульд нэмэлт, өөрчлөлт оруулах тухай хуулийн төслийг хэлэлцэн дэмжиж, УИХ-д өргөн мэдүүлэхээр болов гэж Засгийн газрын Хэвлэл, мэдээллийн албанаас мэдээллээ.