2010 оны 7 дугаар сарын 8-ны өдөр УИХ-ын бусад 18 гишүүний хамт “Бэлчээрийн тухай” хуулийн төсөл, түүнтэй уялдуулан “Газрын тухай хуульд нэмэлт, өөрчлөлт оруулах тухай” хуулийн төслийг санаачлан боловсруулж УИХ-д өргөн мэдүүлсэн.

Мал аж ахуйн салбарыг тогтвортой хөгжүүлэх, бэлчээрийн доройтлыг сааруулах, зах зээлийн нөхцөлд нийцсэн бэлчээрийн менежментийг төлөвшүүлэх үүднээс бэлчээрийг эдийн засгийн эргэлтэд оруулах, түүнд хөрөнгө оруулах, зүй зохистой эзэмшиж, ашиглах, хамгаалахад чиглэгдсэн эрх зүйн орчинг бүрдүүлэх зайлшгүй шаардлагын улмаас дээрх хуулийн төслийг санаачлан, боловсруулсан байна.