Хөдөө аж ахуйн бирж энэ оны гуравдугаар сарын 1-нд байгуулагдаж, анхны арилжаа дөрөвдүгээр сарын 5-нд эхэлсэн юм.

Үйл ажиллагаагаа эхэлснээс хойш нийтдээ 260 орчим тэрбум төгрөгийн арилжаа хийжээ.

Тус биржийн арилжаа эхлээд өнөөдөр яг хоёр сар болж байна. Гурав дахь сарын арилжааг ҮХАА-н сайд Х.Баттулга эхлүүллээ.

Тэрээр арилжааны цан цохихын өмнө “Хөдөө аж ахуйн биржийн үйл ажиллагаа эхэлснээр хөдөө аж ахуйн гаралтай түүхий эдийн зах зээлийг эдийн засгийн нэгдсэн зохицуулалтад оруулж ХАА-н бараа, түүхий эдийн нийлүүлэгчид болох малчид, малчдын хоршоо, тариаланчдын орлогын хуваарилалтыг зохистой болгох, үйлдвэрлэл эрхлэгчид чанартай түүхий эдийг олон шат дамжлагаар дамжсан элдэв нэмэгдэл өртгөөр бус, илүү хямд өртгөөр бэлтгэх боломжийг бий болгоно.

УИХ-ын гишүүн, Үйлдвэр хөдөө аж ахуйн сайд Х.Баттулга

Хөдөө аж ахуйн гаралтай түүхий эдийн зах зээлийн үнэ ханшид нөлөөлөх дотоод, гадаадын нөлөөллийг эрс багасгах давуу талтай юм. Мөн цаашид боловчон хүчин бэлтгэх, түүхий эдийн тээвэрлэлт гэх мэт анхаарах асуудал олон байгаа” хэмээн хэлэв.

Зүүн гурван аймгийн хэмжээнд ноолуурын арилжаагаар эхэлсэн бөгөөд Монголын Түүхий эд бэлтгэн нийлүүлэгчдийн холбоо, Ноос ноолуур бэлтгэн нийлүүлэгчдийн холбооны төлөөлөл болон бусад мэргэжлийн байгууллагуудыг оролцуулсан нийт 32 компани биржийн арилжааны зуучлагч /брокер/-ийн үүрэгтэй оролцсон байна.

Өнөөдрийн байдлаар тус биржээр дамжин 4286.0 тн   ноолуур, 24 тн тэмээний ноос буюу 260 тэрбум төгрөгийн арилжаа хийгдсэн байна.