УИХ-ын намрын чуулган сар шинийн өмнөхөн завсарласан. Харин ирэх гуравдугаар сарын 20-нд ээлжит бус чуулган хуралдах тов гараад байгаа. Чуулган завсарласан энэ өдрүүдэд Төрийн ордон нам гүмхэн байна. Гишүүдийн зарим нь гадаадад яваа бол нэг хэсэг нь хөдөө орон нутагт ажиллаж буй юм. Тэгвэл УИХ-ын зарим гишүүд хаагуур, юу хийж амарч байгаа талаар  тодруулснаа хүргэе.

-УИХ-ын намрын чуул­ганыг хоёрдугаар сарын 10-нд завсарлуулах товтой байсан ч гэнэт Цагаан сарын өм­нө завсарлууллаа. Шалт­­­гаан нь юу байв?

-УИХ-ын чуулган нэг ээлжиндээ 56 хоног ху­ралдсан бол завсарлах болзол нь хангагддаг хуультай. Тэгэхээр би гэнэт гэж үзэхгүй байгаа.

-УИХ-ын гишүүн Зас­гийн газрын гишүүн бай­хыг хориглох тухай асуудлыг хэлэлцэж бай­хад ийн завсар­ласан нь эргэлзээ тө­рүүлж буй. Тэгээд ч хав­рын чуулганаар хэлэл­цэх асуудлаа хүртэл батлалгүй яаран зав­сар­лалаа шүү дээ?

-Яахав. Хаврын чуул­ганыг эхлүүлэхдээ энэ асуудлыг хэлэлцчихэж болно. Энэ бол заавал байх ёстой зарчмын асуу­дал. Харин гадуур давхар дээлийг тайлах хуулийг баталсан өдрөөсөө мөр­дөх гээд байсан учраас чуулганыг завсарлуул­лаа гэж байсан. Энэ бол таавар гэж томьёолж байгаа юм. Хуулийг анх өргөн ба­рихдаа хэрэг­жиж эхлэх хугацааг нь заачихсан байна билээ. Тэгэхээр бат­лагдвал тэр заал­таараа л явах байх. Үүнээс болж чуулганыг завсарлуулах шаардлага байгаагүй гэж бодож байна.

-Та бол УИХ, Засгийн газрын гишүүний албыг давхар хашдаг. Өөрөөр хэлбэл та энэ хуулийн тухайд ашиг сонирхлын зөрчилтэй гэж болно. Дэмжиж байна уу, эсрэг саналтай байгаа юу?

-Хэлэлцээд соёлтой, пар­ламентын засаг­лал­тай улс орнуудын жиш­гээр оновчтой хувилбарыг нь олж болно. Огт байж болохгүй гэж үгүйсгэлгүй, дандаа ийм байна гэж туйлширч болохгүй. Хоёр хувилбараар бид явж үз­сэн. Ер нь ярилцаад хэ­лэлцүүлгийн явцад бүх­нийг олонхиороо шийдэх хэрэгтэй. Засгийн газрыг гаднаас бүрдүүлнэ гэж байгаа ч холимог ху­вилбар байж болно шүү дээ.

-Та чуулганы зав­сар­лагааны хуга­цаанд юу амжуулахаар тө­лөвлөж байна. Мэдээж Сангийн сайд хүн хийх ажил ихтэй байгаа. Гурав­дугаар сард эдийн зас­гийн өсөлт нэмэгдэнэ гэж байсан. Та бүхэн амлалтаа биелүүлж чадах уу?

-Морин жилийг өөд­рөгөөр харж байгаа. Эдийн засгийн өсөлт ир­нэ. Ер нь ч манай улсын эдийн засаг өндөр өсөлт­тэй байгаа. Мөн Оюу тол­гойн хоёр дахь ээл­жийн хөрөнгө оруулалт эхэл­бэл эдийн засгийн өсөлт илүү нэмэгдэнэ. Оюу тол­гойгүйгээр л гэхэд өнгөр­сөн онд 11 хувийн өсөлт­тэй байлаа. Тухайн үед гадаад орчин таагүй байж хоёр хөршийн эдийн за­саг сайнгүй байхад өсөлт гарсан. Ийм байхад га­даад орчин таатай бол­бол эдийн засаг илүү тэлж өсөх нь ойлгомжтой. Энэ мэтээр чуулганы хуга­цаанд хийх ажил их бий.

-Таван толгойн бү­тээн байгуулалтын үр шимийг хэзээ хүртэж эхлэх вэ. Ажиллаж эхэлс­нээсээ хойш эдийн засагт дэм болох нь бүү хэл бүр ч өр, зээлд нэрвэгдсэн газар болж хувирсан?

-Энэ оны эхний хагас жилд нийлүүлэлт хэвийн байвал өрөө дарж дуус­на. Тэгэхээр сүүлийн хагас жилд өгөөжийг нь үзэж өрмийг нь хүртэх болно.