УИХ-ын чуулганы хуралдаанаар Ерөнхийлөгчийн өргөн барьсан Шилэн дансны тухай хуулийг УИХ-ын гишүүдийн олонх нь хэлэлцэх шаардлагагүй хэмээн “унагалаа”.

Төсвийн ил тод байдал, иргэдийн оролцоог хангах асуудлаар сүүлийн жилүүдэд Улсын Их Хурал, Засгийн газраас Мэдээллийн ил тод байдал ба мэдээлэл авах эрхийн тухай хууль, Төсвийн тухай хууль болон Төсөв, санхүүгийн ил тод байдлыг хангахад дагаж мөрдөх журмыг батлан хэрэгжүүлж байгаа боловч төсвийн талаарх иргэд, олон нийтийн ойлголт, мэдээлэл сул, төсвийг төлөвлөх, батлах, хэрэгжүүлэх, тайлагнах үйл ажиллагаанд иргэдийн оролцоо төдийлэн хангагдахгүй байгаа учраасЕрөнхийлөгч бүрэн эрхийнхээ хүрээнд энэхүү хуулийн төслийг санаачлан боловсруулжээ.

Ерөнхийлөгч бүрэн эрхийнхээ хүрээнд энэхүү хуулийн төслийг санаачлан боловсруулжээ.

Энэхүү хуулийн төслөөр төсвийн орлого, зарлага, мөнгөн гүйлгээ, тайлагналын үйл ажиллагаа болон өр, зээл, батлан даалт, өмч, хөрөнгийн зарцуулалттай холбоотой мэдээллийг олон нийтэд нээлттэй, ил тод, иргэдэд ойлгомжтой, шуурхай мэдээлэх байгууллага, албан тушаалтны үйл ажиллагаа, түүнд хяналт тавих, хариуцлага хүлээлгэхтэй холбоотой харилцааг зохицуулах юм байна.

Ингээд хуулийн төслийг хэлэлцэхийг дэмжье гэсэн байнгын хорооны саналаар санал хураалгахад нэгдсэн хуралдаанд оролцсон 64 гишүүний 39 нь буюу 60.9 хувь нь уг хуулийн төслийг хэлэлцэхийг дэмжсэнгүй

Ж.Эрдэнэбат асуув:

Ард түмэнд төрийн албанд ажилладаг хүмүүс л болох бүтэхгүй зүйл хийдэг гэсэн хардлага байна. Үүнийг нь нэг тийш нь болгох зорилготой хууль гарахыг болохгүй зүйлгүй гэж үзэж байна. Гэхдээ хуульд зарим зүйл байна. Аливаа байгууллагын нягтлан бүртгэлийн баримт бичиг гээд нилээд зузаан материал байдаг. Энэ хууль гарсанаар бас л нэг их хэвлэлмэл материал дахиад гарах юм биш үү. Төрөөс нилээд бичиг цаасны зардал гархаар байна. Мөн хариуцлагын заалтууд байна. Төрийн аудитын байгууллагуудыг оролцуулсан заалт их байна. Үүнд Ерөнхийлөгчийн зөвлөх Л.Пүрэвдорж хариулав.

С.Ганбаатар гишүүн асуулт асуулаа

Энэ амьдрал ойрхон практик хууль гарчээ. Ээн ард иргэдэд зориулсан хууль энгийн ойлгомжтой байх нь сайн. Их олон самбар, цаас гарна гэхээс залхаад хэрэггүй. Хүн бүр интернэт рүү орж чадахгүй байна. Улаанбаатарт маш олон салбар бий үүнийг хэрхэн ашиглах вэ? Энэ чиглэлээр мэргэшсэн иргэний нийгмийн байгууллагын асуудлыг зааж өгсөн нь маш зөв болсон. Ерөнхийлөгчийн зөвлөх Л.Пүрэвдорж хариулав.

УИХ-ын гишүүн Ж.Батсуурь асуув

Байгаа хуулиудын хэрэгжилт сайн биш байгаа нь дараагийн чамин гоё нэртэй хууль гаргах үндэслэл биш ээ. Тийм байж болохгүй. Ил тод байдал гэдэг үүднээс хууль өргөн барьж байгаа бол одоо хэрэгжиж байгаа хуулиуддаа нэмэлт өөрчлөлт оруулах, сайжруулах байдлаар оруулж ирээчээ. Хууль хэрэгжихгүй, хэрэгжүүлэхгүй байгаагын шалтгааныг тодорхойлдоггүй, тооцдоггүй, хариуцлага тооцдоггүй байж болохгүй. Тиймээс энэ хуулийг дэмжихгүй байна. Тэгээд монгол хэлэнд ил тод, тунгалаг гэсэн үг байхад чинь заавал Шилэн гэж нэрлэх шалтгаан байна уу.

Шилэн дансны тухай хуулийг төслийг хэлэлцэх боломжгүй гэж үзлээ