"Улаанбаатар Хөрөнгө оруулалт 2015” форумын илтгэлүүдийн дараа Нийслэлийн хөгжлийн бодлого, төлөвлөлтийн талаар нээлттэй хэлэлцүүлгээр үргэлжилсэн. Хэлэлцүүлгийн панеллистаар нийслэлийн ИТХ-ын дарга Д.Баттулга, нийслэлийн Засаг дөргө бөгөөд Улаанбаатар хотын Захирагч Э.Бат- Үүл, Азийн Хөгжлийн банкны Монгол дахь суурин төлөөлөгч Роберт Шөүлхаммэр, Улаанбаатар Худалдааны танхимын Ерөнхийлөгч Ж.Од болон тус танхимын Ерөнхий захирал О.Амартүвшин нар оролцлоо. Энэ үеэр хэлэлцүулэгт оролцогчдын онцлох эшлэлүүдийн хүргэж байна.

Арилжаа хийж буй хоёр талын Дундуур хот орох ёсгүй

Нийслэлийн ИТХ-ын дарга Д.Баттулга:

Нийслэлд хийгдэж байгаа дахин төлөвлөлтийн ажил Гэр хорооллын дахин төлөвлөлтийн хууль, Газар чөлөөлөх хуультай зохицож явах ёстой хэдий ч тэдгээр хуулиуд байхгүй учир нийслэлийн ИТХ-аас журам батлан гэр хорооллын дахин төлөвлөлтийн ажлыг хэрэгжүүлж байна. Гэр хорооллын дахин төлөвлөлтөд оролцож буй барилгын компаниудад тулгардаг нэг асуудал нь газрын эзэн өндөр үнэ хэлдэг явдал. Ийм хотын удирдлага газрын нэгжийн үнэ тогтоох ёстой гэсэн байр суурийг чуулганд оролцогч илэрхийлсэн юм. Харин арилжаа хийж буй хоёр талын дундуур хот орох ёсгүй гэдэг дээр хотын дарга болон ИТХ-ын дарга нар санал нэгдлээ.

Азийн хөгжлийн банк 320 сая ам.доларын өртвг бухий төсөл хэрэгжуулж байна

Нийслэлийн Засаг дарга бөгөөд Улаанбаатар хотын Захирагч Э.Бат-Үүл

Олон улсын санхүүгийн зах зээл дээр хувийн хэвшилтэйгээ хамтарч хийсэн төслүүдээ хөтлөлцөж очоод санал болговол олон улсаас санхүүгийн үйлчилгээ авах бүрэн боломжтой. 2030 он хүртэлх Улаанбаатар хотыг хөгжүүлэх төлөвлөгөө их ерөнхий. Дэд бүтэц, хүн амын өсөлт зэргийг тооцоолсон, Харин нарийвчилсан төлөвлөгөөг хөрөнгө оруулагчдын санал дээр түшиглэн хийнэ. Жишээ нь, Морин даваанд 65 га газарт дэд төв байгуулах ажил эхэлсэн. Учир нь хөрөнгө оруулагчид дорвитой том ажил сонирхдог. Харин бид энэ том газрын багахан хэсэгт иргэдээ суурьшуулах шаардлага тавьсан. Азийн хөгжлийн банкнаас Баянхошууны дэд бүтцийг сайжруулах зорилгоор 320 сая ам.доларын өртөг бүхий төсөл хэрэгжүүлж байна.

Улаанбаатар хот бус нутгийн санхүү бизнесийн төв болох байршил сайтай

Азийн Хөгжлийн Банкны Монгол дахь суурин төлөөлөгч Роберт Шөүлхаммэр

Олон улсын санхүүгийн байгууллагуудтай хамтарч ажиллах боломжууд өргөн хүрээтэй. Монгол Улсын хувийн хэвшлийн бизнес эрхлэгчдийн чадавх сайжирч байгаа. Улаанбаатар хотын хувьд бүс нутгийн санхүү бизнесийн төв болох байршил сайтай гэдгээрээ давуу талтай. Тэгэхээр байршлаа сайн ашиглах нь аливаа бизнест давуу тал олгодог. Улаанбаатар хот Зүүн Хойд Азийн гол цэг. Бид хотын удирдлагатай хамтран 'хэд хэдэн төсөл хэрэгжүүлж байна. 20 жилийн өмнөхтэй харьцуулахад дэлхийн хэмжээний томоохон байгууллага, банкууд Улаанбаатарт оффисоо нээж байгаа. Тэгэхээр та нар олон хамтрагчтай болсон байна. Тэд хөрөнгө оруулах сонирхолтой байна гэлээ.

Хөрөнгө оруулалтыг татаж чадвал бид азийн зурх, ХААН ХОТ болж чадна

Нээлттэй хэлэлцүүлгийн үеэр Улаанбаатар Худалдааны танхимын ерөнхий захирал О.Амартүвшин Казиногийн тухай хуулийн төсөлд хотын удирдлага идэвхтэй оролцох ёстой гэдэг санал дэвшүүлэв. Үүнийгээ тодотгохдоо Казино дээр суурилаад бид дэлхийн гол тоглогчид болох Орос, Хятадын дунд байгаа нөөц бололцоогоо ашиглан жилд гурван тэрбум ам.долларын ашиг олох боломжтой. Хөрөнгө оруулагчдын хамгийн таатай нөхцлийг санал болгож, хууль эрх зүйн тогтвортой байдлыг хангах хэрэгтэй. Өнөөдөр Монголд гадны томоохон банкууд урт хугацаатай үйл ажиллагаа явуулах боломжгүй байна. Хөренгө оруулалтыгтатаж чадвал бид Азийн зүрх, ХААН ХОТ болж чадна гэлээ.

“Улаанбаатар хөрөнгө оруулалт-2015" чуулганд барилгын салбарын төлөөлөл н.Батсүх хоёр хүсэлт тавилаа. Нэгдүгээрт, иргэд барилгын компаниудад сөрөг хандан, шүүхэд өгөх нь олон байгааг дуулгалаа. Шинэ барилга барих бол эргэн тойронд нь буюу 45 метрийн дотор оршин суудаг иргэдээс санал асуудаг журмыг цуцлуулах хүсэлт тавьсан юм.

Харин хотын дарга иргэд өөрсдөө хууль зөрчсөн шаардлагыг барилгын компанид тавьсан тохиолдол гарсныг онцлоод, журам бол байх ёстой, тэдний өмчийг үнэгүйдүүлэх аюул гардаг. Харин барилга барих зөвшөөрлийг өмнөхөөс илүү хурдан шуурхай олгох болжээ. 2012 онтой харьцуулахад барилга барих зөвшөөрлийн тоо гурав дахин өссөн гэв. Мөн оролцогчид амьдрал тэтгэх ус дутагдаж байна, хотын газар хүүхдийн зулай шиг эмзэг боллоо гэх мэт саналуудыг дэвшүүлснээр хэлэлцүүлэг өндөрлөлөө.