УИХ дахь МАХН- МҮАН-ын “Шударга ёс” эвслээс Тавантолгойн гэрээний төслийн талаар байр сууриа илэрхийлсэн мэдэгдэл гаргасан талаар тус эвслийн зарим гишүүн өчигдөр Төрийн ордонд хэвлэлийн бага хурал хийлээ.

Гэхдээ 0. Баасанхүү, З.Баянсэлэнгэ, Д.Тэрбишдагва, Ч.Улаан, Л.Цог нарын МАХН- ын гишууд байв. Тэд Тавантолгойн ордод хөрөнгө оруулан хамтран ажиллах гэрээг УИХ- аар хэлэлцэх гэж буй энэ уед МАХН нь мөрийн хөтөлбөртөө дэвшүүлсэн байр сууриа баримтлах болно гэдгээ мэдэгдлээ. Энэ талаар тус эвслийн булгийн дэд дарга, УИХ-ын гишүүн З.Баянсэлэнгээс тодрууллаа.

-Тавантолгойн гэрээний төслийн талаар гаргасан мэдэгдэлд ямар асуудлыг тусгасан бэ?

“Шударга ёс” эвсэл 2012 оны сонгуулийн мөрийн хөтөлбөртөө Тавантолгойн ордыг бүхэлд нь ард түмний мэдэлд байлгаж, монголчуудыг өмч хөрөнгөтэй баян чинээлэг амьдрах нэг чухал үндэс суурийг тусгана гэсэн үзэл санааг дэвшүүлж ард иргэдийнхээ дэмжлэгийг авсан. Тавантолгойг тойрсон өнөөдрийн зөрчилдөөн энэ ордод хэн нь эзэн суух вэ гэсэн олигархуудын тэмцэл болохоос ард түмэнд ашигтай байдлаар шийдэх зорилго агуулаагүй нь тодорхой байна.

Тавантолгойн төсөлд хөрөнгө оруулах гэрээг хэлэлцэх гэж буй энэ үед МАХН мөрийн хөтөлбөртөө тусгасан хэд хэдэн зарчмыг баримтлан ажиллах болно. Тухайлбал, Тавантолгойн орд бүх ард түмний мэдэлд байж, тус ордын хувьцааг манай улсын иргэн бүр эзэмших нь зүйтэй гэж үзэж байгаа. Тиймээс төрийн мэдэлд байгаа хувьцааг бүхэлд нь 100 хувь иргэдэд шилжүүлэн өгч баталгаажуулах ёстой. Мөн Тавантолгойн ордыг 1 ашиглахдаа манай хууль тогтоомжид нийцүүлэн харилцан ашигтай, ард түмэндээ өгөөжтэй байх зарчмыг баримтлах юм.

-Тэгэхээр Тавантолгойн төслийг дэмжихгүй байна гэж ойлгож болох уу?

Эдгээр зарчмын дагуу харвал УИХ-д хэлэлцэж буй төсөл нь бидний зарчмын байр суурийг хангаагүй, төрийн оролцлоо ард түмний хувьцааны ашиг хамгийн бага байх хувилбар болсон. Тэгэхээр МАХН дэмжих боломжгүй. Өөрөөр хэлбэл, УИХ-д өргөн барьсан тогтоол, тогтоолыг дагасан төсөл нь манай намын зорьж байгаа зарчимд нийцэхгүй байна. Тиймээс Тавантолгойн ордыг ашиглах тогтоолын төслийг намын бүлгүүд хэлэлцэхдээ УИХ- аас батлагдан гарсан хүчин төгөлдөр хууль тогтоомжид нийцүүлэн нийтлэг эрх ашиг, 2012 оны сонгуульд амласан амлалтаа санаж ажиллахыг уриалж байгаа юм.

-Тавантолгойн гэрээний шинэ хувилбарыг боловсруулж, өргөн барих гэж байгаа гэсэн үү?

Бид Тавантолгойн асуудлыг анх удаа хөндөж тавьж байгаа юм биш. Үүнийг 2005 оноос хойш ярьсан. Тавантолгойн ордтой холбоотой МАХН-ын байр суурь тодорхой. Мөн Тавантолгойн ордтой холбоотой хуулийн төслийг боловсруулаад байгаа. Хуулийн төслөө Засгийн газраас санал авахаар удахгүй өгч, УИХ-аар хэлэлцүүлнэ гэж найдаж байна. Төслийг хэлэлцэхгүй байж ч магад. Гэхдээ Тавантолгой, Оюутолгойтой холбоотой асуудалд өөрсдийн байр суурьнаасаа ухрахгүй гэдгээ хэлье.