УИХ-ын Эдийн засгийн байнгын хорооны өчигдрийн хуралдаанаар “Тавантолгойн нуүрсний ордыг хөгжуулэх талаар авах арга хэмжээний тухай” УИХ-ын тогтоолын төслийг хэлэлцэх эсэхийг шийдэх байсан нь хойшлуулав. Энэ талаар тус байнгын хорооны дарга Ж.Батсууриас тодрууллаа.

-Тавантолгойн гэрээний төслийг хэлэлцэх байсныг хойшлуулсан нь ямар шалтгаантай байв?

УИХ-ын дарга З.Энхболд захирамж гаргаж Ажлын хэсэг байгуулж байна. Ажлын хэсэг гэрээ, тогтоолын төсөлтэй холбоотой судалгаа хийж, санал дүгнэлт гаргана. Тиймээс Ажлын хэсгийн дүгнэлт гарсны дараа Эдийн засгийн байнгын хороогоор хэлэлцэх эсэхийг шийдвэрлэхээр боллоо. Үүний дараа УИХ-ын чуулганы нэгдсэн хуралдаанд оруулах юм. Мөн намын бүлгүүд хэлэлцээд дүгнэлтээ ирүүлэх ёстой. Одоогоор намын бүлгүүд асуудлыг хэлэлцэж эхэлсэн ч зарим намын бүлэг дүгнэлтээ гаргаж амжаагүй байна.

-Ажлын хэсгийн дүгнэлт хэдийд бэлэн болох бол?

Одоогоор Ажлын хэсэг ямар хугацаанд дүгнэлтээ гаргахыг хэлэх боломжгүй. Эдийн засгийн хүндрэл бэрхшээлтэй холбоотой УИХ яаралтай горимоор шийдэж өг гэсэн хүсэлтийг тавьсан. Төсвийн орлогыг эхний улирлын байдлаар авч үзэхэд нэлээд алдаг- далтай гарсан. Ийм цаг үед яаралтай горимоор хэлэлцэх ёстой гэж Зас- гийн газар үзэж байгаа. Гэхдээ энэ нь чухал асуудал учраас Ажлын хэсгийн дүгнэлт гаргах нь зөв гэж үзэж байна.

-Танай намын бүлэг энэ асуудалд нэгдсэн байр суурьт хүрсэн үү?

МАН-ын бүлэг өнгөрсөн даваа гаригийн хурлаараа Тавантолгойн асуудлыг хэлэлцсэн. Гишүүд Тавантолгойн гэрээний асуудлыг хэлэлцэх нь зөв гэж үзсэн. Өөрөөр хэлбэл, МАН-ын бүлэг дүгнэлтээ гаргасан гэсэн үг.