“Соаl аnd metals Моngolia” олон улсын хөрөнгө оруулагчдын чуулга уулзалт өчигдөр “Корпорэйт конвэйшн" төвд эхэллээ.

Нүүрсний салбарын хөрөнгө оруулагчдын “Соаl аnd metals Моngolia” металлургийн салбарт хөрөнгө оруулагчдын “Меtals Моngolia” “МineТесН” уул уурхайн тоног төхөөрөмжийн олон улсын үзэсгэлэн гэсэн гурван том арга хэмжээг энэ жил нэгтгэн зохион байгуулж байгаа нь энэ.

Манай улсын коксжих нүүрсний худалдан авагч болох Хятадын компаниудын төлөөлөл ирсэн нь энэ удаагийн чуулганы онцлох сонин байлаа. Коксжих нүүрсний зах зээлийн хүчтэй тоглогчдын нэг “Шангси кокинг коал сэйлс женерал” компаниин ерөнхии менежер Фен Вингшинг “Коксжих нүүрсний нөөц, зах зээлийн шинжилгээ” гэсэн илтгэл бэлдэж иржээ.

Тэр нүүрсний үнэ мөддөө сэргэхгүй гэсэн гутранги таамаг хэлсэнгүй. Харин ч өнгөрсөн жилээс коксжих нүүрсний зах зээлд сэргэх найдвар харагдаж эхэлсэн хэмээн онцлов. Урд хөрш 2020 оноос хэрэгжүүлэх таван жилийн төлөвлөгөөндөө гангийн үйлдвэрийг чухалд үзсэн учраас коксжих нүүрс моодноос гарахгүй гэсэн агуулгатай гэгээлэг мессежийг ноён Фен Вингшинг чуулганд оролцогчдод өгсөн юм.

Хятадын эдийн засгийн бууралт багасч байгаа гэнэ. “Шангси кокинг коал сэйлс женерал” компанийнхан гурван жилийн өмнө манай улсад ирж “Эрдэнэс Таван толгой”, “Энержи ресурс”, “Мак” зэрэг компаниудтай яриа хөөрөө өрнүүлж байжээ. Фен Вингшинг “Манай компани Солонгосын зах зээлд коксын бүтээгдэхүүн нийлүүлдэг. Өөрийн гэсэн трэндийг бий болгож чадсан.

Бүтээгдэхүүний чанараа улам бүр сайжруулах сонирхолтой.

Монголын коксжих нүүрс бага хүхэртэй, сайн чанарынх. Гангийн үйлдвэрийн шаардлагад бүрэн нийцсэн. Манай компанийн хувьд коксжих нүүрсний зах зээлд байр сууриа хамгаалсаар байх болно. Бид Хятадын төрийн өмчит гангийн том үйлдвэрүүдтэй олон жил хамтарч ажилласан туршлагатай. Гуравдагч зах зээлд бүтээгдэхүүнээ гаргах бүрэн боломжтой” хэмээн ярилаа.

Өнгөрсөн жил Хятадаас Япон руу гаргасан коксын бүтээгдэхүүнийг зуун хувь эдний компани гаргажээ. Холын андаас ойрын хөрш дээр" гэсэн үгээр өндөрлөе” гэлээ. Чуулганы анхаарал татахаар бас нэг илтгэл нь Монгол Улсын сайд М.Энхсайханых байв. Тэрбээр илтгэлээ “Нүүрс ба эрчим хүч: Сургамж” гэж гарчиглажээ.

М.Энхсайхан сайд нүүрсний Тавантолгой, Тавантолгойн цахилгаан станц, Шивээ Овоо төслийг онцолсон юм. Тэрээр “Тавантолгойн төслийн хувьд нүүрсний үнэ нэг тонн нь 80 ам.доллар байна гэж анх тооцож байсан ч төсөл амжилттай болоогүй. Яагаад амжилтад хүрээгүй талаар цөөн шалтгааныг дурдъя. Бидэнд мега төслийн станцын тухайд Японы “Марубени” корпорацитай хамтран ажиллахаар тохиролцоод байгаа.

Хэлэлцээр үргэлжилж байгаа аж. Цахилгаан станцын тухайд сүүлийн үед нүүрс төрөгч бага ялгаруулдаг ультра супер критикал гэдэг төхнологийг сонгох болжээ. БНСУ, Япон эрчим хүчнийхээ 70 хувийг энэ технологиор гарган авдаг гэсэн мэдээллийг М.Энхсайхан өгөв.

Энэ технологи хөрөнгө оруулалт татахад ч давуу тал болдог гэнэ. Гэхдээ хэрэглэгчийн тоо цөөн гэсэн шалтгаанаар Тавантолгойн цахилгаан станцад энэ төхнологийг сонгох боломжгүй юм байна. Ийм учраас саб критикал гэдэг технологийг сонгожээ.

Уул уурхайн сайд Р.Жигжид чуулганыг нээж үг хэлсэн юм. Сайд “Энэ удаагийн чуулга уулзалтыг нүүрс болон метал ашигт малтмалын чиглэлийг хамруулан өргөтгөсөн хэлбэрээр зохион байгуулж байна.

Энэ утгаараа хамрах цар хүрээгээ тэлж, хөрөнгө оруулалт хийх болон хамтран ажиллах сонирхолтой гадаад дотоодын харьцангуй олон тооны аж ахуйн нэгжийн төлөөлөл оролцох боломжийг хангаж байна. Хэдийгээр сүүлийн жилүүдэд олон улсын зах зээлд эрдэс түүхий эдийн үнэ уналттай байгаа ч уул уурхайн салбар өнгөрсөн жил төсвиин орлогын 18 хувь, дотоодын нийт бүтээгдэхүүний 17 хувь, аж үйлдвэрийн салбарын нийт үйлдвэрлэлийн 80-аад хувийг дангаараа бүрдүүлсэн.

Энэ бол чамлахааргүй амжилт” гэж онцлов. Тэрээр хөрөнгө оруулалтыг татах чигээр Засгийн газар онцгой анхааран ажиллаж байгааг чуулганд ирсэн хөрөнгө оруулагчдад дуулгасан юм. “Соаl and metals Mongolia” хөрөнгө оруулагчдын чуулга уулзалт өнөөдөр үргэлжилнэ. Өнөөдрийн хуралдаанаар металлын салбарыг түлхүү хөндөхөөр төлөвлөжээ.

Монголын алт үйлдвэрлэгчдийн холбооны Удирдах зөвлөлийн гишүүн, “Алтан Дорнод Монгол” ХХК-ийн тэргүүн дэд захирал Н.Цогтгэрэл алтны салбар өнөөдөр ямар байгаа, алтны зах зээл, үнийн таамгийн талаар илтгэл тавих бол Аж үйлдвэрийн яамны Хүнд үйлдвэрийн бодлогын газрын дарга И.Болд хар төмөрлөгийн үйлдвэрийгхөгжүүлэх, металл хийц, машин байгууламжийн үйлдвэрлэлийг сэргээн хөгжүүлэх хөтөлбөрүүдийг танилцуулах юм байна. Харин “Эрдэнэт" үйлдвэрийн металлургийн менежер Б.Алтангэрэл Зэсийн баяжмал хайлуулах, цэвэршүүлэх үйлдвэрийн төслийг сонирхуулна.

Нүүрс, металлын хөрөнгө оруулагчдын чуулга уулзалт эхэллээ