Дорноговь, Говьсүмбэраймгийн УИХ-ын зургаадугаартойргоос сонгогдсон УИХ-ын гишүүн Ж. Батсуурьтойргийнхоо сонгогчидтой уулзаж сүүлийн хоёр жилдхийж амжуулсан ажлынхаатайланг танилцууллаа.Энэасуудлаар түүнтэй хэдэн хором ярилцсан юм.

-Та сүүлийн хоёр жилд тойргийнхоо сонгогчидтой хэрхэн холбогдож ажиллав ?

-Сүүлийн хоёр жилд Дорноговь, Говь-сүмбэр аймагт нийтдээ 70 гаруй удаа төв хөдөөгийн сумдад ажиллаж давхардсан тоогоор 60 гаруй мянган сонгогчидтой уулзан төрийн хууль тогтоомж сурталчлах, тэдний санал хүсэлтийг сонсож зарим шаардлагатай арга хэмжээг авч хариу өглөө.2009 онд 39, 2010 онд 46 оюутанд тавьсан хүсэлтийнх нь дагуу сургалтын дэмжлэг үзүүлэх ажлыг шийдвэрлэж өглөө.Тэрчлэн Говьсүмбэр, Дорноговь аймгаас Улаанбаатар хотод суралцаж буй оюутан залуучуудын дунд спортын өдөрлөг зохион байгуулахад ивээн тэтгэсэн. Мөн аймагтаа ЕБС-ийн 11 дүгээр анги төгсөгчидтэй уулзан лекц уншиж тэргүүний сурагчдыг урамшуулсан.

-Иргэд УИХ-ын гишүүд нэг тэрбум төгрөг тойрогтоо хуваарилуулж авдаг гэсэн ойлголттой учир түүний үр дүнг илүүтэй сонирхож байдаг энэ талаар?

-Энэ чинь УИХ-ын гишүүдэд өгдөг мөнгө биш шүү дээ. 2010 онд Улсын төсвийн нэмэлт хөрөнгө оруулалтаар нэг тэрбум төгрөг хуваарилсан. Энэ тайлангаа иргэдэд хөрөнгө оруулалтын нэр төрлөөр нь танилцуулсан. Эдгээрээс дурьдвал Шивээ говь сумын цэцэрлэгийн өргөтгөл,Хөвсгөл сумын сургуулийн их засвар, Замын-Үүд сумын 150 хүүхдийн цэцэрлэгийн шинэ барилга, Халзан-Уул рашаан сувиллын 30 км цахилгаан дамжуулах шугам гээд тодорхой обьектуудад хөрөнгө оруулалт хийсэн. Харин энэ оноос нэг тэрбум төгрөгийн хөрөнгө оруулалтыг орон нутгийн удирдлагын эрх мэдэлд өгсөн. Дашрамд хэлэхэд бид орон нутгийн эрх мэдлийг дээшлүүлэх, хууль эрх зүйн орчинг боловсронгуй болгоход онцгой анхаарсан. Тэгэхдээ эрх мэдэл нэмэгдүүлэхийн хэрээр орон нутгийн удирдлагын үүрэг хариуцлага өндөржих учиртай. Гэтэл орон нутагт зарим албан тушаалтан хуваарилсан хөрөнгө мөнгийг буруу зарцуулсан гэх чих халууцуулсан элдэв мэдээлэл дуулдаж байгааг анхаарахгүй байж болохгүй.

-Тойрогтоо хийсэн бүтээн байгуулалтын ажлаас тоймлож ярина уу?

-Замын-Үүдийн эдийн засгийн чөлөөт бүсийн мэргэжлийн албадын нэгдсэн байр, "Саран Хөхөө" театрын өргөтгөл, Мандах, Хатанбулаг сумын 0.4 квт-ын цахилгааны шугамын шинэчлэлт, Шивээ говь сумын цэцэрлэг, сургуулийн засварын ажлыг хийлгэсэн. Мөн Сайншандын 150хүүхдийн цэцэрлэг, Дорноговь аймгийн төвийн Зээгийн хөтлийн цэвэр усны шугам, Сайншанд, Замын-Үүд чиглэлийн 193.2 км авто зам, Айраг сумын гал унтраах ангийн барилга гээд хөрөнгө оруулалт, бүтээн байгуулалтын ажлыг бодлогын хувьд шийдвэрлэж өгсөн.

-Дорноговь аймгийн төвд дулааны шугамын доголдол их гардаг. Аймгийн төвийн дулаан хангамжийн асуудлыг шийдвэрлэхэд хэрхэн дэмжлэг үзүүлж байна вэ?

-Өнгөрсөн жил аймаг болон "Чандмань-Илч" ХХК-ийн удирдлагаас бидэнд тавьсан асуудлыг судлан үзэж Засгийн газраас 600.0 сая төгрөгийг бэлнээр олгуулсан. Засвар үйлчилгээ нүүрсний өрийн асуудлыг шийдвэрлэхэд дэмжлэг болсон ба Гагцхүү нэгэнт олгогдсон хөрөнгийг үйлдвэрлэл үйлчилгээнд үр ашигтай зөв зарцуулах, хариуцлагыг бүх шатанд дээшлүүлж,технологийн шинэчлэлтийг үе шаттай хийснээр төв суурингийн дулаан хангамжийн асуудал хэвийн байх нөхцөл боломж бий болно.

-Таван толгойн хувьцаа, жижиг дунд үйлдвэрлэлийг дэмжих, цалин тэтгэвэр нэмэх, намуудын амлалт 1.5 сая төгрөгийг олгох ажлын тухай, ер нь төрийн хуулийн хэрэгжилт тааруу байдаг тухай иргэд шүүмжлэлтэй ханддаг энэ талаар?

-Таван толгойн хувьцааг иргэддээ тодорхой хувийг хуваарилах асуудал хуулийн төсөлд яригдаж байгаа. Гэхдээ энэ нь 1991 онд иргэддээ тараасан цэнхэр, ягаан хувьцааны бичгээс өөр. Өнөө-дөр хөрөнгийн бирж шинэ орчинд олон улсын жишигт нийцэж ажиллаж байгаа болохоор урьд гаргасан алдаа давтагдахгүй. Харин жижиг дунд үйлдвэрлэлийг дэмжих эрх зүйн орчныг улам сайжруулах бодлого барьж байгаа. Жишээ нь, жижиг дунд үйлдвэрлэл эрхлэгчдээс нэмэгдсэн өртгийн татвар болон гаалийн татвар авахгүйгээр зээл авахад нь төр батлан даалт гарган барьцаа нэхэхгүйгээр зээл олгох боломжийг бий болгохыг зорьж байгаа юм. Энэ нь жижиг дунд үйлдвэр эрхлэгчдэд бодитой дэмжлэг болно.Иргэдэд олгох 1.5 сая төгрөгийг 2012 он гэхэд хүний хөгжлийн сангийн хуулийн дагуу олгож дуусгана. Харин тэтгэвэр тэтгэмжийг нэмэгдүүлэх асуудлыг бодлогын хувьд зайлшгүй авч үзэх болно. Монголд 480 гаруй хууль үйлчилж байна. Харамсалтай нь хуулийн хэрэгжилт газар сайгүй хангалтгүй байгаа нь үнэн. Тиймээс бид бүгдээрээ хуулиа сахин мөрдөж хэрэгжүүлж чадвал төрийн үйлчилгээ бүх шатанд хуулийн дагуу хэрэгжих үндэстэй.Ялангуяа орон нутагт төрийн бүх шатны байгууллагуудын сахилга хариуцлага үйлчилгээний чанар өгөөжийг дээшлүүлэхэд илүүтэй анхаарч ажиллах нь чухал байна.

-Та сонгогдсон тойргийнхоо хөгжил дэвшил, ирээдүйн төлвийг хэрхэн төсөөлдөг вэ?

-Өөдрөгөөр төсөөлж байдаг. Энэ онд гэхэд Сайншандын аж үйлдвэрийн цогцолбор орчны талбайд геофизикийн хайгуулын судалгааны ажлаас эхлээд Зүүнбаянгийн нефтийн үйлдвэр, Өргөн суман дахь цементийн үйлдвэр, ураны хайгуул олборлолтын үйлдвэр, хэвтээ тэнхлэгийн төмөр замыг барьж байгуулна.Түүнчлэн аймгийн, аялал жуулчлалын түшиц газар Сайншанд Хамрын хийд чиглэлийн авто зам, Шивээ Овоогийн уурхайн техникийн шинэчлэл, нийгмийн үйлчилгээний чиглэлийн эмнэлэг, сургууль орон сууцны барилга байгууламжийг барина. Энэхүү бүтээн байгуулалт хөрөнгө оруулалтын ажлын зорилтуудыг хамтын хүчээр шийдвэрлэснээр манай говийн хоёр аймгийн хөгжлийн өнгө төрхийг илэрхийлэх нэг алхам болж байгаа юм.