УИХ-ын гишүүн Ж.Батсуурь хаврын чуулган өндөрлөснөөс хойш амралгүй ажиллажээ. Тэрбээр энэ зун АНУ, Чили, Канад улсуудаар явж туршлага судлах байнгын хорооны ажлын хэсэгт ажилласнаас гадна  хоёр ч удаа  тойргоороо явж, иргэдтэй уулзжээ. Тойргийнхоо сонгогчидтой уулзах үедээ хууль тогтоох дээд байгууллага, Засгийн газраас явуулж буй үйл ажиллагаа, үр дүн, бодлого шийдвэрийн талаар танилцуулж, мөн иргэдийн санал, хүсэлтийг сонссон байна.