Тойргийн иргэд хөдөлмөрчидөөс эрүүл, мэндийн асуудлаа шийдвэрлэж чадахгүй, хот суурин газар үзүүлж чадахгүй байгаа тухайгаа дурдаад тусламж дэмжлэг хүссэн өргөдөл олноор ирдэг. Энэ асуудлыг багахан ч болов шийдвэрлэх үүднээс Австрали улсын нүдний эмч нарын багийг тус аймагт ажиллахыг урьж тэдгээр эмч нарын баг  Мөнххаан, Баруун-Урт, Эрдэнэцагаан, Дарьганга зэрэг сумдын  олон зуун хүнд үзлэг хийж, газар дээр нь харааны шил тааруулан заавар зөвлөгөө өгч үйлчилсэн нь хөдөө орон нутагт ажиллаж амьдарч байгаа иргэд хөдөлмөрчид, өндөр настануудад ихээхэн тустай зүйл болсон.