Үүний дагуу өнөөдөр  УИХ-ын гишүүн Д.Арвин, П.Алтангэрэл нар нийслэлийн нэгдүгээр амаржих газарт ажиллалаа.

Тэдний хамт Эрүүл мэндийн дэд сайд Ж.Цолмон, Төрийн нарийн бичгийн дарга Н.Хүрэлбаатар, нийслэлийн Эрүүл мэндийн газрын дарга тус газарт хүрч ирлээ. Энэ эмнэлэгт нярайн халдвар гарч эмнэлгийн үйл ажиллагааг түр зогсоосон. Эмнэлгийн удирдлагыг ч шинэчилсэн байгаа. Нийслэлийн эрүүл мэндийн газрын дарга Ц.Ганхүүгийн хэлж байгаагаар төсвийг нь танаж өгдгөөс өгсөн мөнгө нь хаанаа ч хүрэлцдэггүй тиймээс бохирын шугамаа цэвэрлэхгүй өдий хүрснээс өвчин гарах нөхцөл бүрдсэн гэж байв. Эмнэлэгт одоо есөн нярай эмчлүүлж байгаа аж. Тэднийг өнөөдөртөө багтаан ЭНЭШТ  рүү шилжүүлэх гэнэ.Тус эмнэлгийн зөвлөх эмч Б.Жавын хэлснээр бол төрж байгаа эхчүүдийн дийлэнх нь бэлгийн замын халдварт өвчинтэй байхад нярайн халдвар гарахгүй гэх баталгаа байхгүй юм. Тэгээд ч орчин нөхцөл нь бохир гэр хороололд амьдарч өдрийн хоол цайны усаа зөөж байгаа хүмүүст ариун цэврийн дэглэм барих хэцүү байдаг биз. Арай чадалтай нэг нь гадаадад очоод төрчихдөг. Нийслэлд ямар хүмүүс төрж байна гэдгээ холбогдох газрууд нь анхаарч үзэх хэрэгтэй гэж байв.