Өнөөгийн хямралд дэлхийн бараг бүх орон өртсөн ч зарим нь ирээдүйгээ өөдрөгөөр харж, хямралаас хамгийн түрүүнд гарах улс орнуудын жагсаалтыг гаргажээ.

Алдарт «Форбес» сэтгүүл эдийн засгийн үзүүлэлтүүд сайн, хөрөнгө оруулагчдад таатай орчин бүрдүүлдэг, бизнес хөгжин цэцэглэх сайхан боломж бүрдсэн 10 орныг нэрлэлээ. Энд мөн дотоодын улстөрийн байдал тогтвортой эсэх, олон улсын харилцаанд гүйцэтгэдэг үүргийг харгалзсан байна. Өндөр татвар, авлига, амьдралын түвшин доогуур бөгөөд үйлдвэрлэл эрхлэгчдэд зориулсан хууль журам нь хатуу орнууд мэдээж сүүлийнбайруудад орсон. Сонирхуулахад манай хойд хөрш, ОХУ 103 дугаар байранд буюу Мавритан, Гондурасын хооронд бичигджээ.

ХАМГИЙН НАЙДВАРТАЙ ЭДИЙН ЗАСАГТАЙ 10 ОРОН

Дани улс бизнест тохиромжтой орнуудыг тэргүүлсэн хэвээр. Хямралын үед ч ганхаагүй тус улсын хууль журам нь эдийн засаг, зах зээлийг хөгжүүлэхэд хамгийн таатай гэгддэг. Данийн нэг иргэнд ногдох дотоодын нийт бүтээгдэхүүний (ДНБ) хэмжээ 38,9 мянган доллар. Харьцуулахад Монголд энэ тоо. 475 мянган төгрөг, ОХУ-д 15 мянган доллар билээ. Данийн төсвийн профицит (зардлаас давсан орлого) нь ДНБ-ий 6,7 хувийг эзэлдэг. Энд харьцангуй цөөн хүн ам (5,5 сая) нөлөөлсөн байх.

Хямрал АНУ-аас эхэлсэн. Хэдийгээр тус улсын бизнес аваргууд ар араасаа дампуурсаар байгаа ч энэ улс «уснаас хуурай гарах» төлөвтэй. Нэг хүнд ногдох ДНБ нь 48 мянган доллар бөгөөд өнгөрсөн жил ДНБ-ий өсөлт 1,4 хувь болжээ. Гэхдээ төсвийн хомсдол 3,1 хувь. Энэ нь төр засгаас хямралтай тэмцэхэд асар их мөнгө зарцуулж байгаатай холбоотой. Гэвч бизнесийн эрх чөлөө ба жижиг, дунд бизнесийн өндөр хөгжлийн ачаар АНУ хямралаас түрүүлж гарах нь дамжиггүй.

Канад улс эхний байруудаас салдаггүй гэж болно. Нэг хүнд ногдох ДНБ нь 40 мянган доллар, төсвийн профицит 0,2 хувь. Худалдааны баланс 1,9.
Сингапурын эдийн засагсүүлийн арван хэдэн жил эрчимтэй хөгжсөн бөгөөд хямралын үед ч зогсоогүй. Энд эрдэм шинжилгээний ажилтнууд, менежерүүд, мэргэжилтнүүд, мөн бизнесмэнүүд эрэлттэй төдийгүй сайн хангамж, өндөр ашиг орлого хэвээр. Нэг хүнд ногдох ДНБ хамгийн өндөр буюу 52,9 мянган доллар. Энд үйлдвэрлэлийн хөгжил, худалдааны баланс 17,6 хувь.
Шинэ Зеланд бол амьдралын түвшнээр дээгүүр орны тоонд тогтмол нэрлэгддэг. Хүн ам нь хөгжингүй орнуудаас хамгийн эрүүл биетэй гэгддэг энэ улсад өнгөрсөн жил төсвийн профицит 0,4 хувь, худалдааны баланс-1,3 хувь гарчээ.
Их Британи. Хямралд түрүүлж өртсөн ч эдийн засгийн өсөлтийн потенциал хэвээр шахуу. ДНБ нь 1,1 хувиар нэмэгдсэн ба нэг хүнд 37,4 мянган доллар ногддог. Хямралтай тэмцэхэд хөрөнгө их гаргаж байгаагаас болж төсвийн алдагдал ихэссэн. Энэ нь өнгөрсөн жил төрийн сан хөмрөгийн 5,9 хувийг залгижээ.
Швед амьдралын түвшин өндөр, цаг уур сайхан бөгөөд бизнес эрхлэгчдэд өргөн боломж олгодгоороо алдартай. Худалдааны баланс 5,2 хувь, төсвийн профицит 3,3 хувь. Нэг хүнд ногдох ДНБ 40 мянган доллар.
Австрали хөгжлийн хүнд нөхцөлтэй (нутаг дэвсгэрийн тэн хагас нь чулуурхаг элсэн цөл) орны тоонд багтдаг ч хотууд нь амьдрахад нэн таатай гэнэ. Энэ үзүүлэлтээр дэлхийд эхний аравт ордог. Хэдийгээр худалдааны баланс тэгээс доош буусан ч Австралийн эдийн засгийн хөгжил дэлхийн дунджаас 1,5 дахин өндөр байгаа.
Хонконг бол дэлхийн хамгийн капиталист бүс нутаг. Хятадын эдийн засгийн онцгой бүс болох Хонконг чөлөөт зах зээлийн зарчим үйлчилдэг бөгөөд татвар бага, зах зээлд төр хөндлөнгөөс оролцдоггүй. Бизнесийн диваажин гэж ч болох энд харамсалтай нь газар нутгийн хэмжээ бага, хүн ам нягт шигүү суурыпдаг, мөн байгалийн баялаггүй. Иймээс хөгжлийн боломж хязгаарлагдмал. Өнгөрсон жилийн худалдааны баланс -8,5, төсвийн хомсдол 0,7 хувь гэнэ.
Норвег улс өмнөх орнуудтай харьцуулахад бизнесийн хатуу хуультай. Мөн хөдөө аж ахуйгаа хөгжүүлэх боломж хязгаарлагдмал. Тус улсад мэргэшсэн боловсон хүчин дутагдалтай байгаа, ялангуяа менежментийн, эдийн засгийн үзүүлэлтүүд сайн. Нэг хүнд ногдох ДНБ-ий хэмжээ 57,5 мянган доллар. Норвегт худалдааны баланс -31,6 хувь. Төсвийн профицит 32,5 хувь юм байна.

Хямралаас хамгийн түрүүнд гарах боломжтой улсуудын жагсаалт