Ардчилсан нам Монгол Улсын эдийн засгийн төлөв байдал, залуу бизнес эрхлэгчдийг дэмжих, орон нутгийн хөрөнгө оруулалт, цаашдын боломжийн талаар намын гишүүд, дэмжигчидтэй нээлттэй ярилцаж, санал, санаачилгыг сонсох зорилгоор 2023 оны 08 дугаар сарын 16-17-ны өдрүүдэд Баян-Өлгий аймгийн Өлгий "Эдийн засгийн форум"-ыг зохион байгуулж буй. 

Чуулганд Баян-Өлгий, Баянхонгор, Говь-Алтай, Завхан, Увс, Ховд аймгийн Ардчилсан намын гишүүд, бизнес эрхлэгч зэрэг нийт 800 гаруй төлөөлөгчид болон Ардчилсан намын гишүүд, бизнес эрхлэгчид оролцож байна.

Форумын зорилго орон нутаг дахь бизнесийн орчныг тэлэх, тулгамдаж буй асуудал, цаашдын боломж, шийдлийг хэлэлцэж буй.

"Эдийн засгийн форум"-д Ардчилсан намын дарга Л.Гантөмөр, УИХ дахь АН-ын бүлгийн дарга О.Цогтгэрэл, УИХ-ын гишүүн асан, Стратеги, бодлого судалгааны хүрээлэнгийн захирал З.Нарантуяа, УИХ-ын гишүүн асан, Хариуцлагатай ардчилал сангийн удирдах зөвлөл Х.Тэмүүжин нар Ардчилсан намын үзэл баримтлал болоод эдийн засгийн харилцан хамаарал, бизнест тулгардаг саад бэрхшээл, хууль эрх зүйн орчны талаар илтгэл хэлэлцүүлэв. 

УИХ дахь АН-ын бүлгийн дарга О.Цогтгэрэл хэлэхдээ, 

"Уул уурхайн баялгийг олборлож олсон мөнгөө халамж болгон ард иргэддээ тэгшитгэн хуваарилах замаар улс орныг удирдах гэсэн, удаан засаглах гэсэн бодлогыг эрх баригчид хэрэгжүүлж байна. Энэ бол тэдний ялалтын стратеги, нууц хөзөр нь. Тэгвэл тэдний иргэдээс нууж, өөрсдийнхөө итгэл болгосон энэ "ТРОЙ МОРЬ"-ийг нь ялах бүтээмжийг дэмжсэн, хувийн өмч, эрх чөлөөг эрхэмлэсэн тийрэлтэт бодлогыг дэлгэн гаргах шаардлага АН-ын мянга мянган гишүүд та бидний өмнө байна" гэв.