НҮБ-ын цэвэр ус, байгалийн нөөцийн талаарх илтгэлд XXI зуунд амьдарч байгаа гэхэд үнэмшмээргүй баримт дурьдаж байна.


Африкийн зарим орны дунд сургуулийн сурагчид биеэ засахын тулд ангиасаа гарч явах ямар ч шаардлагагүй. Ердөө л нимгэн төмрөөр тусгаарласан хананы цаана гарахад л хангалттай. Энэ бус нутагт буюу Африкийн Киберт 74 мянган хун жорлон, ариун цэврийн өрөө гэж юу байдгийг мэдэхгүй. Дашрамд дурьдахад Кибер нь Найроби, Момбасаг холбодог төмөр замын голд оршдог.

Эндхийн хүмүүс хар ярианд "нисдэг жорлон" гэж нэрлэдэг гялгар уутанд бие засч дараа нь гудамж руу шидэж асуудлыг шийддэг. Зарим нэг нь шууд л гудамжны ил жорлонд хөнгөрдөг. Энэхүү "жорлон"нь хөлбөмбөгийн талбайн хэмжээтэй, 2О фут өндөр ялгадасны овоо байдаг гээд төсөөлдөг. Ингээд дуусахгүй борооны улирал эхлэхээр нөгөөх ялгадас шууд л сургуулийн шалан дээгүүр урсдаг.


Энэ түүх ядуурлын тухай хамгийн "шилдэг" бас бохир бодитой жишээ. Чухам эл асуудлыг НҮБ-ын хүн төрөлхтний хөгжлийн тухай илтгэлд дурьжээ. Өнөөдөр тэрбум гаруй хун цэвэр усгүй амьдарч, хөгжиж байгаа орны 2.6 тэрбум гаруй хүн цэвэр, бохир усны шугам, сулжээ гэж юу байдгийг мэдэхгүй байна. Дээр дурдьсан хоёр асуудлыг нэгнээс нь салгаж ойлгох аргагүй. Учир нь цэвэр, бохир усны хоолой, холболтгүй бол ундны ус бохирдох нь тодорхой. Шинэ зууны эхээр буюу өнөөгийн цаг мөчид өдөрт 5000 хүүхэд ундны усны гачаалаас болж үхэж байгааг НҮБ-ын илтгэлд дурьджээ.

Усны гачаал гэдэс, ходоодны бүх төрлийн халдварт өвчин дагуулж байна. Гэтэл Африк, Азийн зарим эрх баригчид цэвэр усны асуудлыг эн тэргүүнд тавьдаггүй. Тухайлбал Эфиолийн цэрэг батлан хамгаалахын төсөв цэвэр, бохир усны шугам тавихаас
10 дахин илүү байдаг бол Пакистанд энэ тоо 47 дахин их. Ус бол засаглал. Үүнийг тодорхой жишээгээр нотолж болно. Израилийн Баруун эргийн оршин суугчид уугуул оршин суугч палестинчуудаас зургаа дахин их хэрэглээний цэвэр усан хангамжтай. Дэлхийн хамгийн ядуу өнцөгт амьдарч байгаа нэгэн ганц литр усны төлөө Нью-Йорк, Лондоны дэлхийн баячуудаас илүү хөлс төлдөг. Усны зах зээлд бичигдээгүй нэгэн хууль үйлчилдэг. Хэдийчинээ ядуу байна төдийчинээ их төлдөг.