УИХ-ын чуулганы өнөөдрийн \2020.07.08\  нэгдсэн хуралдаан эхэллээ. Хуралдаанаар Монгол Улсын Засгийн газрын бүрэлдэхүүн, сайд томилох асуудлыг  хэлэлцэж байна.

Хэлэлцэж буй асуудалтай холбогдуулан УИХ-ын гишүүд үг хэлж, асуулт асууж байна.

УИХ-ын гишүүн Б.Энхбаяр:

“Ажилтайгаа танилцаж цаг алдахгүй мэргэжлийн салбартаа ажиллаж байсан хүмүүс сайдаар томилогдож байна. Б.Мөнхбаатар, Х.Нямбаатар сайд нараас асууя.

Хууль зүйн асуудал дээр дотоод хэргийн чиг үүргээ жин дарж ажилласнаас болж хүний эрхийг хуулиар шийдэх асуудал учир дутагдалтай явж ирсэн. Хууль боловсруулах хуулиар хуулийн хулгайг таслан зогсоох, эдийн засгийг дэмжих асуудал илүү чухал байдаг. Шинжлэх ухааны үндэслэлтэй хууль боловсруулах Хууль зүйн хүрээлэнгийн бүтэц цөөрсөн. Ийм жижиг байдлаар хууль боловсруулах асуудал үр дүнд хүрэхгүй. Сайд ямар бодлого баримтлах вэ? Салбарын эрдэмтэн судлаачдыг хууль боловсруулах тал дээр татан оруулах шаардлагатай.

Б.Мөнхбаатар сайдад хэлэхэд өнгөрсөн хугацаанд УИХ-аас баталсан бодлогын арга хэмжээг салбарын яам том толгой гаргаж хэрэгжүүлээгүй тохиолдол бий. Жишээ нь газрын багц хууль тогтоомжийг иргэний хуульд нийуүүлэх үүрэг өгсөн ч одоо болтол оруулаагүй. Санаатайгаар, эс үйлдвээр хэрэгжүүлээгүй. Улсын бүртгэлийн хуулиар газрын бүх мэдээллийг ил болгоно гэсдгийг 2 жилийн өмнө хэрэгжүүлэх ёстой ч одоо хүртэл газрын албад ил болгоогүй байна. хэн хэдэн зуун га гаар нь авчихаад ил болгохгүй байгааг анхаарч ажиллаарай. Хариуцлага тооцоорой. 2 сайд хамтран газрын багц хууль буюу газрын реформ хийх шаардлагатай байна. Орон сууцны эзэмшлийн газар хэнийх тодорхойгүй. Цэцэрлэг, сургууль, тоглоомын талбай ч барих газаргүй болсон. Энд хот төлөвлөлтийн бодлого ч алдагдаад байна.

Б.Мөнхбаатар сайд БЗД-ийн Засаг даргаар ажиллаж байсан. 26-р хороонд 4 газар бий. Энд газрын тухай хуульд заасан хугацаа хэтэрсэн. Юу ч бариагүй. Үүнийг хурааж аваад сургууль баримаар байна.”